Sokol Olldashi: Ilir Meta është si Pal Mëlyshi

Nisin të ngrihen tensionet mes Partisë Demokratike dhe Lëvizjes Socialiste për Integrim.

Përpara seancës së djeshme të Kuvendit, kryetari i LSI, Ilir Meta, deklaroi se sjellja e PD-së për ndryshimin e anëtarit të Komisionit Qendror të Zgjedhjeve është një sjellje diversantësh.

Menjëherë ka reaguar ministri i Transporteve, Sokol Olldashi, që e krahason Metën me Pal Mëlyshin.

“Dikush tha sot (dje) se Partia Demokratike ka sjellje politike prej diversanti. Çudi e madhe! Duket si gjykim prej Pal Mëlyshi”, shkruan Olldashi në Facebook.

Mëlyshi ka qenë një nga agjentët më të njohur të Sigurimit të Shtetit, një komunist i flaktë./ep

TEMA