Shkodër, ekzekutohet me armë zjarri 45-vjeçari

Një 45-vjeçar është vrarë me armë zjarri në orët e para të mëngjesit të sotëm në qytetin e Shkodrës.

Ngjarja e rëndë ka ndodhur rreth orës 02:00 pas mesnatës, në lagjen “Kiras” ku 45-vjeçari Çesk Leka është vrarë nga persona ende të paidentifikuar teksa ishte duke u kthyer në shtëpinë e tij.

Mendohet se autorët e ngjarjes i kanë ndjekur lëvizjet e 45 vjeçarit dhe kanë pritur derisa ai të kthehej në banesë për ta ekzekutuar.

Forcat e policisë kanë shkuar menjëherë në vendngjarje kanë nisur hetimet për identifikimin e autorëve dhe zbardhjen e plotë të krimit.

3 tetor 2013 (gazeta-Shqip.com)