Sekuestrohen 22 makina të vjedhura jashtë vendit

TIRANE- Një aksion ndërkombëtar i Policisë së Shtetit ka gjetur 22 makina të vjedhura dhe 2 motiçikleta. Në kuadër të operacionit, “Eurocar – Albania”, policia njofton se janë kryer kontrolle në 5243 mjete të llojeve të ndryshme, në të gjitha qarqet e vendit, dhe se në 8 prej tyre janë sekuestruar makinat e vjedhura jashtë vendit.

Operacioni është mbështetur nga e EUROPOL, FRONTEX, EUROJUST dhe INTERPOL.
Për të gjitha këto raste materialet janë referuar në Prokuroritë e rretheve përkatëse në ngarkim të poseduesve të mjeteve dhe personave të tjerë të përfshirë, ndërsa është proceduar penalisht për veprën penale të “trafikimit të mjeteve motorike” një shtetas italian, i cili rezulton të ketë trafikuar një mjet në vendin tonë.

Të dhëna
Automjetet e sekuestruara në kuadër të operacionit “Eurocar-Albania” janë identifikuar kryesisht gjatë kontrolleve të kryera në rrugët e qyteteve dhe në servise, përkatësisht:
Drejtoria e Policisë së Qarkut Tiranë 3 automjete
Drejtoria e Policisë së Qarkut Durrës 4 automjete
Drejtoria e Policisë së Qarkut Lezhë 4 automjete
Drejtoria e Policisë së Qarkut Shkodër 1 automjet
Drejtoria e Policisë së Qarkut Elbasan 2 automjete
Drejtoria e Policisë së Qarkut Vlorë 6 automjete
Drejtoria e Policisë së Qarkut Fier 3 automjete
Drejtoria e Policisë së Qarkut Dibër 1 automjet
Nga verifikimet e kryera në sistemin e Interpolit, automjetet e bllokuara rezultonin të vjedhura në vende të ndryshme, përkatësisht:
Itali 13 automjete
Angli 2 automjete
Belgjikë 1 automjet
Zvicër 1 automjet
Serbi 1 automjet
Bullgari 2 automjete
Bosnje-Hercegovinë 1 automjet
Greqi 1 automjet
Hungari 1 automjet
Belgjikë 1 automjet

Panorama