Rekord historik, fushata presidenciale "SHBA 2012" kushtoi 6 mld dollarë

Në Shtetet e Bashkuara nuk ishin shpenzuar kurrë më parë kaq shumë para, se sa në këtë fushatë elektorale për kreun e Shtëpisë së Bardhë. Qendra "Responsive Politics" thotë se kostoja e përgjithshme e kësaj fushate vlerësohet në 6 miliard dollarë, duke shënuar kështu një rekord historik kombëtar. 

Si Barack Obama ashtu edhe republikani Mitt Romney vendosën të mos shfrytëzojnë fondet publike, por të mbështeten tek donacionet private. Të dy kandidatët mundën të mbledhin një shumë të barabartë me atë të të gjithë panelit të kandidatëve garues në zgjedhjet e 2004. 

Obama mundi të mbushë arkat e fushatës së tij fillimisht falë dhurimeve online që numëronin 4 milionë donatorë të vegjël. Ndërsa Romney u mbështet nga financuesit e mëdhej. 

Shuma e dhurimeve në fakt ka hapur një debat të madh. Kritikët frikësohen se shpërmblimi për dhuruesit mund të shkojë më tej se sa një mirënjohje.  Albanian Screen