Poni: Pastrim i listave nga dublikimet

Zëvendësministri i Brendshëm Ferdinand Poni, në një deklaratë për mediat për listat e zgjedhësve njoftoi se më 12 dhjetor Drejtoria e Gjendjes Civile ka shpërndarë listat e zgjedhësve. 

"Zyrat e Gjendjes Civile po punojnë për minimizimin e personave me adresë të pasaktë. Kemi kërkuar të zbatohet në mënyrë rigoroze numri i zgjedhësve për qendër votimi", u shpreh Poni.

Sipas zëvendësministrit po punohet për uljen e numrit të zgjedhësve që figurojnë në lista pa adresë banimi.

"Janë pastruar nga listat e zgjedhësve 1122 dublikime të verifikuara dhe po punohet për verifikimin e 4800 rekordeve që dyshohen si dublikime. 

  TOP CHANNEL