Meta: Jemi për dialog, jo atentate

Pas akuzave të opozitës lidhur me një atentat politik ndaj konsensusit mes mazhorancës dhe opozitës, duke iu referuar Ligjit për Nëpunësin Civil, kryetari i Kuvendit Ilir Meta, tha se Qeveria ka kërkuar dialog dhe ka shprehur vullnetin për t'i bërë të ditura opozitës arsyet objektive, që imponojnë këtë akt normativ, që është një çështje teknike.

"Ne jemi për dialog – deklaroi Meta, - dhe jo për atentate".

"Unë preferoj dialogun dhe jo atentatet. Përfaqësues të Qeverisë kanë kërkuar dialog dhe kanë shprehur vullnetin për t'i bërë të ditura opozitës, arsyet objektive sipas Qeverisë, që imponojnë këtë Akt Normativ. Grupi Parlamentar i Partisë Demokratike nuk e ka zhvilluar një takim të tillë dhe mbase mungesa e njohjes me argumentat e karakterit teknik dhe ligjor, shtyn në qëndrime të tilla, të cilat sidoqoftë nuk duhet të dominojnë këtë debat, i cili padyshim që do të jetë një debat aktiv", u shpreh Meta.

Top channel