KOSOVA DHE SERBIA SOT SHKËMBEJNË ZYRTARËT

Ambasadori Lulzim Peci pritet të fillojë sot ditën e parë të punës si zyrtar ndërlidhës në Beogradi. Përderisa në Kosovë të njëjtën punë do ta bëjë homologu i tij serb Dejan Pavicevic.

Shkëmbimi i zyrtarëve do të bëhet sot, në bazë të marrëveshjes për normalizimi raportesh mes dy shteteve.

Në ndërkohë që ky hap është cilësuar nga Kryediplomati kosovar, Enver Hoxhaj si ngjarje e madhe për të gjithë rajonin.

Hoxhaj tha se ky akt, i shkëmbimit të zyrtarëve, është rezultat konkret i dialogut ndërmjet Kosovës dhe Serbisë.

“Ky veprim është dëshmia më e madhe se Serbia po e pranon realitetin e shtetit të pavarur të Kosovës”, tha Hoxhaj për Epoka e Re.

Ministri Hoxhaj po ashtu ka vlerësuar se vendosja e misioneve diplomatike në Prishtinë dhe në Beograd është një element kyç në drejtim t në normalizimit ndërmjet dy vendeve.

Mirëpo, ambasadori Lulzim Peci ka deklaruar se marrëdhëniet diplomatike mes dy shteteve mund të vendosen vetëm atëherë kur Serbia njeh Kosovën.

EXPRESS