Korrupsion dhe falsifikim dokumentesh, pranga dy ish-zyrtarëve të Kserës, dy në kërkim

Falsifikim dokumentash dhe aktivitet kulturor fiktiv, janë dy akuzat për katër zyrtarë të ish-ministrit të Punëve dhe Çështjeve Sociale, Spiro Ksera, dy nga të cilët janë arrestuar sot nga Policia e Tiranës. Siç bëjnë me dije burime zyrtare nga Policia e kryeqytetit në pranga kanë rënë 2 drejtues mjaft të rëndësishëm, ndërsa dy të tjerë janë shpallur në kërkim.

Të arrestuar sipas policisë janë :“Ilir Ibrahimi, i biri i Faikut dhe i Fillores i ditëlindjes 25 shkurt 1968 lindur në Permet dhe banues në Tiranë apartamenti Nr. 13, hyrja Nr.1,, shefi financës dhe Besnik Dema, i biri i Ibrahim dhe i Sabiha ditëlindja 3 mars 1962 banues në Tiranë, ish-sekretari i Përgjithshëm”.

Sipas Policisë së Tiranës, në kërkim janë: “Kleves Bitro, i biri i Simonit dhe i Nikoletës ditëlindja 22 dhjetor 1976 lindur në Korçë dhe banues në Tiranë rr. Sadik Petrela, pallat Nr. 1, ish-Drejtori i kabinetit. Murat Mehmeti i biri i Arif dhe i Shkurtes i ditëlindjes 1 mars 1964 banues Tiranë”.

Para disa javësh një raport I Kontrollit të Lartë të Shtetit fliste për abuzimve të mëdha me fondet në ministrinë e Kserës. Përveç kësaj u publikua dhe një akuzë tjetër ndaj zyrtarëve të kësaj ministrie për trafik njerëzish drejt SHBA-së, pasi disa persona të pajisur me dokumente false nga kjo ministry kishte përfituar vizë amerikane për të qëndruar më pas në SHBA në mënyrë të paligjshme.

MAPO