Korçë, rrobaqepsia mbyllet për shesh ndërtimi, 300 gra të papuna

300 punëtore të një rrobaqepsie në Korçë kanë mbetur të papuna sepse bashkia e qytetit ka ndërprerë kontratën 32-vjeçare me administratorin e ndërmarrjes. Shkak është bërë dhënia për shesh ndërtimi e zonës ku ishte instaluar rrobaqepsia.
Përveç që mbetën pa punë gratë kërkojnë shlyerjen e pagave të fundit që nuk kanë mundur ti marrin nga pronari. 

Pronari grek e pranon detyrimin ndaj punonjseve por për shkak të falimentit nuk mund të shlyejë pagat e prapambetura pa shitur më parë makineritë e ndërmarrjes. Pronari ditët e fundit ju ka dërguar një letër punëtorëve të revoltuara, përmes së cilës, fajëson shtetin shqiptar që ato humbën vendin e punës.
Situatën së fundi po e heton Seksioni i Krimit Ekonomik pranë Drejtorisë së Policisë së rrethit. 

Albanian Screen