Komisioni për Verifikimin e Mandateve: 140 mandatet janë të vlefshme. Betohen deputetët

UPDATE- Kuvendi nisi seancen e dyte te tij paraditen e sotme me raportin e Komisionit per Verifikimin e Mandateve te deputeteve, procedure qe i hapi rrugen betimit te 140 deputeteve.

Deputeti Namik Dokle qe kryesoi edhe sot seancen plenare, lexoi formulen e betimit, e me pas te 140 deputetet kane thene “Betohem”. 

Raporti i Komisionit te Verifikimit te Mandateve u lexua nga deputeti socialist Armando Subashi, i cili ne fund deklaroi se pas verifikimit, komisioni arriti ne perfundimin se mandatet e 140 deputeteve jane te vlefshme.

“KQZ mbi bazen e rezultatit te votimit per cdo zone zgjedhore ka perllogaritur shpendarjen e mandateve, qe iu paraqiten Kolegjit Zgjedhor. Ky i fundit  llogariti shpendarjen e mandateve dhe kandidatet fitues per cdo parti politike. KQZ ka marre vendimin perfundimtar per shpalljen e rezultatit te zgjedhjeve, qe perfshin votat, mandatet dhe listen e deputeteve”- tha ai, duke iu referuar konkluzioneve te raportit.

Bashke me betimin e deputeteve pritet sot edhe zgjedhja e kryetarit te ri te Kuvendit, kreut te LSI-se, Ilir Meta. 

Legjislatura e 8-të nisi dje me ekzekutimin e himnit kombëtar. Në një seancë e cila zgjati pak minuta, u ngritën Komisioni i përkohshëm i verifikimit të mandateve, dhe sekretaria e përkohshme e Kuvendit.

Seanca u hap nga deputeti, Namik Dokle, i cili e cilësoi të rrallë këtë legjislaturë pasi nis pa bojkot të ndonjë partie parlamentare.

PANORAMA