Kastriot Islami: Rama-Kokëdhima dyshja klienteliste në PS. Socialistët të penalizojnë Ramën

Kastriot Islamit, ish-deputetit socialist, që tashmë do do të garojë për një tjetër mandat në Kuvend në listën e demokratëve ka sulmuar sot atë që e quajti “dyshja klienteliste” Rama-Kokëdhima. Ky i fundit, sipas Islamit, ka përfituar tendera nga bashkia e Tiranës kur ajo drejtohej nga Rama, kohë në të cilën vetë Islami ka qenë drejtues i lartë i PS.

“Kokëdhima ka marrë 19 milionë dollarë në kohën kur Rama drejtonte bashkinë. Kur Rama dhe Koço ndanin tenderat, socialistët e thjeshtë e të ndershëm mbështesnin Ramën, pa e kuptuar se në këtë mënyrë kishin ndihmuar që të mbushnin thesin e Koços dhe që ai të forconte praninë në Partinë Socialiste”, deklaroi Islami.

Duke shmangur deklaratën e drejtpërdrejtë për të kërkuar vota në emër të PD-së, nën siglën e të cilës garon këtë herë, Islami bëri të kundërtën, kërkoi votë penalizuese për Edi Ramën.

“Në këtë situatë, detyra për të ndaluar ardhjen në pushtet për të mbushur me lekë Koçon nuk është detyrë e socialistëve të ndershëm, por detyrë kombëtare”, u shpreh Islami.

SHQIP