Itali, pranga shqiptarit, shfrytëzoi të fejuarën si prostitutë.

Bie ne pranga ne Itali një i ri shqiptar i akuzuar se ka ndihmuar dhe shtyrë të punojë si prostitutë të fejuarën e tij.

Sipas mediave italiane karabinierët e kanë identifikuar 20-vjeçarinshqiptar me inicialet M.A., i cili ka prostituar një vajzë 20-vjeçare nga Polonia.
Behet e ditur se arrestimi i tij është bërë në Faenza në kuadër të një aksioni për ndalimin e fenomenit të prostitucionit në autostradën Emilia.

Prej kohesh policia kishte identifikuar shqiptarin i cili në mënyrë të vazhdueshme shoqëronte 20-vjeçaren polake në vendin e “punës”.
Shqiptari përveçse e shtynte të punonte si prostitutë në rrugë, kishte dhe lidhje romantike me vajzën polake, ka thene policia.

Dyshohet se 20-vjeçari shqiptar ishte i njohur për policinë pasi kohët e fundit ishte përgjegjës i një plagosjeje serioze dhe një grabitjeje të ndodhur në Riolo Terme. Për këtë ceshtje ai është dënuar me 11 muaj burg dhe me një gjobë prej 150 euro.