Ironi femrash politikane / Topalli: “Elisa në Botën e Çudirave”, Spiropali: “Më mirë Elisë në botën e çudirave se “Zonjë e leshtë”

Emërimet e reja të qeverisë “Rama” kanë sjellë batuta e komente mes dy palëve duke bërë protagoniste këtë herë dy femra, Jozefina Topallin e PD-së dhe Elisa Spiropalin e PS-së. Të dyja kanë preferuar ironinë duke iu referuar gjinisë së tyre femërore. Ishte Topalli e parë që shkruajti në facebook se drejtoresha e re e Doganave është “Elisa në Botën e Çudirave”, ndërsa vajza e FRESSH-it ka preferuar ti përgjigjet me një ironi pak më fyese duke e cilësuar Topallin “zonjë e leshtë”.

Topalli:

“Edwini ,Briseida dhe Elisa ne boten e cudirave !! Te ardhurat ne buxhetin e shtetit tani do jene ne duart e Briseides ,nje vajze 26 vjece dhe te Elises pak vite me e madhe. Asnjera nuk ka lidhje as me doganat as me tatimet. Asnjera nuk ka punuar me pare as ne kete sektor, as ne shtet! Te dyja u emeruan drejtoresha te medha,respektivisht te Tatimeve dhe te Doganave! Natyrisht me motivacionin per ” merita e kompetenca te vecanta ne sektorin ne fjale” ! Taman si emerimi i Endri Pukes, drejtor i albetrolit, per meriten e kompetencen e vecante ,se ishte drejtor i kompanive te Kokedhimes.

Ne cdo fushe duhet seriozitet e kompetence ,por vecanerisht me financat publike, nuk luhet ! Financat publike jane delikate dhe jetesore! Por Edwin Kokedhima nuk mendon keshtu! Pupazzi , nuk do jene vetem anetaret e kabinetit te tij! Pupazzi , do jene te gjithe : drejtore e mbidrejtore, ministra e zevendesministra, keshilltare e sekretare te pergjithshem , pergjegjes , anetare bordesh ,shefat e kabineteve, …. E keshtu padrinoja do kontrolloje e “punoje”edhe me me lehtesi per te “rilindur Shqiperine e rrenuar”. Jo me kot dhe Lame ,ky bamires i rilindur , qe vullnetarisht hoqi harxhimet per zyrat e edëinit!!!…. u shperblye me detyren e drejtorit per legalizimet!

Ne kohe krize globale te tallesh me financat e shtetit eshte e pafalshme! Te gremisesh buxhetin eshte fatale !Uroj te mos vije dita qe te thote ,se nuk ka para per te paguar rrogat ! Natyrisht shqiptaret nuk votuan per kete! Ato besuan premtimet e edëinit : se shendetesia do jete falas, legalizimet falas, biznesi i vogel do kishte takse zero, 95 % te shqiptareve do i hiqeshin taksat, do uleshin cmimet , do kompensoheshin pronaret e vjeter, do i paguhej 25 euro dita e burgut ish te persekutuarve, dhe mbi te gjitha do krijoheshin 300 000 mije vende te reja pune!!!!!!! Edhe papandreu do ia kishte lakmi! Ekonomia drejt recesionit! “

Spiropali:

“Për Jozefina Topallin: Më mirë Elisë në botën e çudirave sesa “Zonjë e leshtë”. Në atë botë që zonja nuk e njeh, nuk kalojnë kamionë në doganën e Shkodrës për interesat të financimit të partisë në pushtet. I uroj znj. Topalli qetësim dhe më pak helm për gratë e tjera të Shqipërisë, të vjetra a të reja qofshin” .

Mapo