Energjitika në krizë, Ahmetaj: 1.2 miliardë dollarë borxhe

Sistemi elektro-energjetik në Shqipëri është në krizë. Deputeti socialist, Arben Ahmetaj, tha se qeveria e ka shndërruar atë në një sistem piramidal. Sipas tij, borxhi i akumuluar ka arritur në 1.2 miliardë dollarë.

"Qeveria nuk ka arritur të menaxhojë sistemin energjetik dhe në mënyrë hileqare e ka çuar të gjithë ngarkesën tek konsumatori. Kriza nuk është krizë e menaxhimit të liqenit apo ujit por një krizë e thellë financiare, keqmenaxhimi që ka përfshirë të gjithë zinxhirin elektroenergjetik shqiptar që nga prodhuesi e deri tek konsumatori. Sot komsumi dimëror është 80 milionë kolivat orë në ditë. Kjo do të thotë se do të duhet të vazhdojë importimin e energjisë në 12 milionë kilovat orë dhe kjo do të duhet të bëhet në javët që vijojnë. Vlera e importimit është 800 mijë euro dhe çdo kush mund të kuptoje se sa kosto do të ketë KESH dhe të gjitha do të ngarkohen në faturat e enegjisë elektrike", deklaroi Ahmetaj.

Albanian Screen