Edhe Fullani e pranon: 2013-a do jetë një viti i vështirë ekonomik

Guvernatori i Bankës së Shqipërisë, Ardian Fullani, deklaroi se ekonomia shqiptare do të jetë e dobët gjatë 2013-s.

Sipas kreut të Bankës së Shqipërisë, aktiviteti i ulët ekonomik në vend është i ndikuar sidomos prej uljes së kreditimit, uljes së konsumit dhe investimeve private

“Kushtet e kreditimit janë ende të shtrënguara si pasojë e kujdesit të bankave. Ka prani hendeku negativ prodhimi”, tha Fullani.

Gjithashtu, Fullani njoftoi se Banka e Shqipërisë do të mbajë të pandryshuar normën bazë të interesit në shifrën 3.75 përqind.

Sipas tij, kushtet monetare janë të përshtatshme për të siguruar përmbushjen e objektivave të inflacionit, duke ofruar edhe stimujt e nevojshëm monetar për përmbushjen e kërkesës së brendshme.

Fullani ka theksuar se në muajin janar inflacioni ka qenë 2.7 përqind dhe kjo ka ardhur si pasojë edhe të rritjes së çmimeve të produkteve ushqimore.

TEMA