Durrësi arkeologjik, pasuria e qytetit e dëmtuar rëndë

Shkatërrimi i Durrësit nuk është më një shqetësim i arkeologëve dhe specialistëve shqiptar, por edhe i arkeologëve të huaj. Arkeologia Sara Santoro, drejtuese e misionit arkeologjik italian në Durrës,  tha se trashëgimia historike e qytetit është dëmtuar në mënyrë të pakthyeshme, por më e keqja është se ndërtimet e reja janë të rrezikuara, pasi janë ngritur mbi qytetin e vjetër.

"Problemi është se stukturat shtetërore nuk kanë bërë asnjëherë një sondazh të plotë për të kuptuar se sa i shtritë ka qënë qyeti antik, i cili mesa dimë ka qënë po kaq i madh sa është Durrësi i sotëm. Nëse këto studime do të ishin kryer, atëhere shumë rrënoja mund të shpëtonin ashtu sic ka ndodhur në Itali, apo Europë. Ndërkohë që studimi do të shmangte edhe rrezikun që u kanoset ndërtimeve të reja, të cilat janë ngritur mbi benast antike", shprehet Sara Santoro.

Ajo e publikoi këtë studim në nisjen e maratonës arkeologjike të oraganzuar nga delegacioni i Bashkimit Europian në Shqipëri, ku për dy ditë do të diskutohet mbi rezultatet e misioneve arkeologjike italiane, franceze e gjermane, të cilat operojnë prej vitesh në sitet shqiptare.

Misioni arkeologjik italian funksionon prej vitit 2001 në Durrës dhe gërmimet kanë dhenë rezultate interesante, veçanërisht në amfiteatër.

Albanian Screen