Drejtuesit e furgonëve rikthejnë protestat në disa akse.

Në shumë akse rrugore në të gjithë vendin pritet që zhvillohen sot protesta të drejtuesve të taksive 8+1 ose siç njihen ndryshe furgonëve. Një protestë do të mbahet edhe në Kryeqytet përpara Ministrisë së Transporteve dhe përpara godinës së Kryeministrisë. Drejtuesit e furgonëve ndërqytetas kërkojnë shfuqizimin e vendimit që iu ndalon atyre të marrin pasagjerë në kthim. Sipas këtyre drejtuesve, ata kanë paguar rregullisht taksat dhe tatimet për biznesin që kryejnë, ndaj kërkojnë të lejohen për të punuar normalisht.