Bonino: Shpresojmë që në dhjetor të merrni statusin

Ministrja e Jashtme italian Ema Bonino deklaroi në Tiranë se shpreson që në dhjetor Shqipërisë t'i njihet statusi kandidat me qëllimin vijimin e mëtejshëm të integrimit të vendit tonë.

Duke folur në një konferencë për media me ministrin e Jashtëm Ditmir Bushati, Bonino theksoi se Italia është në favor të anëtarësimit të Shqipërisë në BE, duke kujtua se vendi i saj ka punuar që raporti i KE-së për Shqipërinë të jetë pozitiv."Rrugëtimi i Shqipërisë në Bashkimin Europian është i rëndësishëm, por tango kërcëhet dyshe dhe nga pala shqiptare nevojitet mjaft punë me qëllim arritjen e këtij angazhimi. Anëtarësimi në BE nuk përbën vetëm mundësi por edhë disiplinë", tha Bonino.

Kryediplomatja italiane foli edhe për bashkëpunimin ekonomik mes dy vendeve tona, për klimën e favorshme shqiptare për investime italiane, ndërsa theksoi se TAP përbën një projekt të rëndësishëm për të bashkëpunuar mes Shqipërisë dhe Italisë.

Nga ana e tij ministri Bushati vlerësoi marrëdhëniet e shkëlqyera midis dy vendeve tona, si dhe mbështetjen që Italia i jep Shqipërisë në kuadër të integrimit.

Top Channel