Arvizu: “Votimi nuk rrit besimin tek procesi”. Berisha i premton Islamit e Dogjanit bashkëpunim të gjatë

Pas votimit të mbrëmshëm në Kuvend, ka reaguar sërish ambasadori amerikan, Aleksandër Arvizu, që e la sallën sapo deputetët e opozitës u larguan nga aty.

Në një mesazh të dërguar me SMS në emisionin “Opinion”, Arvizu theksoi se ata nuk kanë ndryshuar qëndrim dhe se votimi në parlament nuk e ka rritur besimin tek procesi.

“Qëndrimi ynë nuk ka ndryshuar. Palët duhet të bëjnë hapa të tillë që të rrisin besimin e votuesve te procesi zgjedhor. Votimi i sotëm në Kuvend nuk e bëri këtë,”thuhet në mesazhin e Arvizu.

Nga ana tjetër, kryeministri Sali Berisha ka falënderuar sidomos dy deputetët e majtë, Kastriot Islami dhe Asllan Dogjani, duke u premtuar atyre bashkëpunim të gjatë. Kjo shton spekulimet se të dy mund të jenë në listat e Partisë Demokratike në këto zgjedhje. Përflitet se do jenë pjesë e listave në Tiranë, por diçka e tillë nuk është vendosur ende./ep

TEMA