Agimi i Artë, publikohen foto të Kristos Papas me uniformë naziste

Ndërsa në vendin fqinj, Greqi vijon hetimi ndaj deputetëve dhe anëtarëve të Agimit të Artë, të akuzuar për vrasje, dhunë dhe armëmbajtje, shtypi grek ka publikuar sot të tjera fakte tronditëse lidhur me krerët e kësaj partie ekstremiste.

Dy foto të deputetit të Agimit të Artë, Kristos Papas, i veshur me uniformë naziste teksa përshëndet si Hitleri tregojnë më së miri bindjet ekstremiste të tij dhe Agimit të Artë, edhe pse vetë Papas i ka refuzuar lidhjet e tij me nazizmin.

Në njërë prej fotove, i krehur si lideri nazist i Gjermanisë në luftën e Dytë Botërore, Papas pozon duke përshëndetur në mënyrën naziste, para flamurit hitlerian.

Ndërkohë në një tjetër foto shfaqet deputeti Papas në një pyll me uniformen naziste duke mbajtur krenar në krah emblemën me svastikën hitleriane, ndërsa e ka vendosur këtë fotografi në një kornizë në një vend të dukshëm në shtëpi.

Shqip