“Sistemi i drejtësisë dhe shëndetësia më të korruptuarit në Shqipëri”

Shqipëria futet në vendet ku korrupsioni ka përfshirë të gjitha institucionet, por sistemi i drejtësisë dhe shëndetësia janë të pushtuar nga korrupsioni. Këto fakte i ka bërë të ditura raporti i fundit  nga Transparency International  “Barometri Global i Korrupsionit” i cili është një studim i kryer në  114 000 njerëz në 107 vende të botës dhe tregon se korrupsioni është i përhapur.

Sa i përket Shqipërisë TI thotë se ka pasur një rritje në luftën kundër korrupsionit, megjithatë  83% e të anketuarve mendon se korrupsioni në Shqipëri është i lartë.  Sistemi i drejtësisë dhe ai i shëndetësisë kanë marrë një notë vlerësimi 4.3, ku vlerësimi varion nga 1-5.

Vlerësimi me notën do të thotë se  korrupsioni thuajse nuk ekziston ndërsa  vlerësimi me 5 do të thotë një vend jashtë  jashtëzakonisht  i  korruptuar. Vlerësime negative janë dhënë edhe për sistemin arsimor, partitë politike, policinë apo dhe shërbimin civil.

Transparency International me seli në Berlin, thotë se afro 90% të të anketuarve  në 107 vendet janë të gatshëm ta luftojnë korrupsionin, duke nënshkruar peticione dhe duke protestuar. Më tepër se një e katërta e të anketuarve në gjithë botën, kanë raportuar  gjithashtu se kanë paguar ryshfet në vitin e fundit.

“Dhënia e  ryshfeteve  mbetet në nivele  shumë të larta në mbarë botën, por njerëzit besojnë se ata kanë fuqinë për të ndaluar korrupsionin ”, thotë  Huguete Label, Kryetar i Transparency International.

Barometri Global i Korrupsionit  tregon një krizë të besimit në politikë dhe shqetësim real në lidhje me kapacitetin e këtyre institucioneve përgjegjëse për sjelljen e kriminelëve para drejtësisë.

SHEKULLI