Pajtim Aga

Një arrestim i djeshëm për drogë i policisë së Lezhës, çuditërisht u la në heshtje nga Partia Demokratike, ndonëse ajo është investuar fort në denoncimin e rasteve të trafikut të drogës. Për më tepër që arrestimi në fjalë ishte një rast i artë për opozitën, nisur nga personi dhe lidhjet e tij me strukturat shtetërore.
Bëhej fjalë për arrestimin e Pajtim Agës, i cili sipas syri.net është vëllai i shefit të komisariatit të Dibrës, Bert Aga, të cilin opozita e akuzoi si një nga organizatorët e skemës kriminale të blerjes së votave në Dibër me para të trafikut të drogës.