Slideri Kryesor

Në një intervistë për Radio Evropa e Lirë, ambasadorja e SHBA në NATO Juliane Smith, ka dhënë vetëm një mesazh që mesa duket lidhet me zgjedhjet presidenciale në atë vend. ANëtarët e Aleancës duhet të shtojnë buxhetin e tyre të mbrojtjes deri në kuotën 2% mesa duket për të mos lejuar që ky argument të përdoret nga Donald Trump në fushatë. Për të tjerat, administrata Biden nuk ka ndonjë përgjigje. E pyetur për qëndrimet e Serbisë, zonja Smith ka deklaruar se Serbia është një vend sovran të cilës i është kërkuar të deklarohet për hyrjen ose jo në NATO.

Kaosi duket se po afron për mbarë rendin ndërkombëtar nisur nga kërkesat për revizionim të historisë. Nëse deri më dje Lufta II Botërore bashkonte fituesit mbi një normë humanizmi dhe anti-totalitarizmi, sot kjo po ndan. Rusia është duke përgatitur një draft rezolutë për në OKB që i shpall vrasjet nga gjermanët të rusëve dhe sovjetikëve në LIIB si genocidale. Një akt ky që vendos demarkacion të qartë në Europë. Modelit në fjalë do t’i bashkohet edhe Serbia.

Draft rezoluta për Srebrenicën është kompletuar si tekst dhe ka marrë në konsideratë propozimet e Malit të Zi. Në hyrje të saj theksohet se:

Përgjegjësia kriminale nën ligjin ndërkombëtar për krimin e genocidit është individuale dhe nuk mund t’i atribuohet ndonjë etnie, besimi fetar apo grupeve të tjera si dhe komuniteteve si të tëra

Radio RTL në Francë raporton për një njësi sekrete të ushtrisë që po përgatitet të veprojë në prapavijë të frontit dhe me gjasë të ndihmojë Ukrainën në ofensivat e veta. Njësia është dislokuar në Estoni dhe ajo përgatitet të “infiltrojë, afrohet, anashkalojë pozicionet e armikut”. Qëllimi i njësisë do të jetë zbulimi dhe mandej kalimi i informacioneve palës ukrainse që të veprojë.

Stafi po stërvitet në kushte reale dhe ata janë gati të mbrojnë aleatin e tyre estonez

Ka një presion maksimal në Kosovë ndaj qeverisë aktuale për çështjen e mosanëtarësimit në KiE. Dështim po e quajnë në grup.

Mirëpo çështja kryesore nuk është kjo tashmë: është përpunimi i opinionit se nuk ka perspektivë pozitive në asnjë rrethanë, duke tentuar kështu nihilizimin e çdo gjëje të bërë deri më tani.

Në një prononcim për Albanian Post, ish-kryeministri Isa Mustafa shprehet ndër të tjera se: 

Në disa media afër qeverisë raportohet dukuria e bojkotit nëse mund të themi kështu e administratës publike. 
Puna në shtet nuk josh më -, shkruan gazeta “Tema”. E ka fjalën për punën në Ekzekutiv. 

Pak javë më parë edhe ministri Blendi Gonxhe deklaronte se mungesat vijnë për shkak të frikës për të firmosur. Frikë nga SPAK. Ndërkohë që në sistemin gjyqësor po mësyjnë fëmijë të ish-gjyqtarëve apo prokurorëve të larguar nga vettingu. 

Në një postim të vetin në Facebook, ministrja e Jashtme e Kosovës, Donika Gërvalla, ka njoftuar se KiE nuk e ka futur në agjendë anëtarësimin e vendit. Sipas saj, Kosova ka plotësuar çdo kusht formal të kërkuar nga procesi i anëtarësimit, dhe se letra e saj ka qenë e konsultuar me disa vende anëtare në formën e një oferte të re. Lidhur me letrën në fjalë Gërvalla ka sqaruar se ajo tashmë ka humbur vlerën dhe rëndësinë.

Presidenti serb Aleksander Vuçiç, shprehet se kohë të vështira e presin vendin e tij. Në një intervistë për RTS, Vuçiç ka thënë se rezoluta për Srebrenicën nuk do të shtyhet më dhe se ajo përfaqëson një hap kritik që nuk ndëshkon një komb, por nuk përfaqëson një tribut për viktimat. Vuçiç ka folur edhe për “një ide për të kërkuar reparacione nga Serbia”, diçka që do ta vendoste Beogradin në një pozitë jo shumë të favorshme.

Opozita në Kosovë është lëshuar për ta quajtur mosvotimin e sotshëm të Komitetit të Ministrave të Jashtëm të KiE si dështim të qeverisë Kurti. Ka dalë edhe ministri i Jashtëm i Shqipërisë, Igli Hasani, të cilit i kanë thënë të thotë se Kosova humbi një mundësi historike. Po si dështoi qeveria e Kurtit për anëtarësimin në KiE, kur ky është një proces që ka kushte publike. Dhe të cilat Kosova i përmbushi? Si mundet të quhet dështim kur një palë ndryshon rregullat e lojës edhe pasi vetë ka miratuar se ti ke përmbushur kushtet e kërkuara?