Struktura e re e qeverisë? Blogu ‘Peizazhe të Fjalës’ bën një strukturë të vetën. Satirike.

Menjëherë pasi Edi Rama bëri publike strukturën e re të qeverisë, shtypi është dhënë i tëri pas komenteve mbi të e pas spekullimeve mbi emrat e ministrave të ardhshëm. Por dikush në blogun e Ardian Vehbiut kish gjetur një mënyrë origjinale për të komentuar këtë ngjarje e për të përqeshur interesin morboz mediatik; kish bërë, si të thuash, një strukturë të vetën të qeverisë, e cila duket më adeguate e më domethënëse se çdo strukturë zyrtare apo legale, ndonëse ka natyrë satirike e denoncuese. Ja struktura që “propozon” një nga autorët e këtij blogu:

1. Ministria e abuzimit me paratë publike

2. Ministria e marrëdhënieve me krimin e organizuar

3. Ministria e luftës me mullinjtë e erës

4. Ministria e puthjes së prapanicave ndërkombëtare

5. Ministria “Ta bëjmë Europën si gjithë Shqipëria”

6. Ministria e amnistive, noterizimeve dhe tapive

7. Ministria e allish-verisheve

8. Ministria e shitjes së energjisë dhe të skrapit

9. Ministria e plaçkitjes së territorit

10. Ministria e veturave, gomave dhe karburanteve

11. Ministria e tokave djerrë, shpyllëzimeve dhe kënetave

12. Ministria e veterinarisë njerëzore

13. Ministria e analfabetizimit dhe kazinove

14. Ministria e pallës dhe Facebook-ut

15. Ministria e Skënderbeut

16. Ministria e ndotjes massive

Re.Pu.