Socialistët: Jemi gati ta heqim imunitetin, por ....

Do ta votojnë socialistët ligjin për imunitetin? Sot ka dalë një eksponent i partisë së tyre, Fatmir Xhafaj, dhe ka deklaruar se ne jemi gati ta votojmë, se nuk kemi asgjë kundër, por .... Ky ‘por’-i nuk jep shanse se ky ligj mund të miratohet. “Të votojmë brenda muajit shtator edhe imunitetin dhe amendamentet për ndryshimet kushtetuese. Ne jemi shprehur se për imunitetin vota jonë është pro.... Mjaft që në javët që vijnë të bëjmë ndryshimet kushtetuese dhe të votojmë. Ne i kemi paraqitur Kuvendit paketë me amendamente, kemi propozuar që gjyqtarët e Kushtetueses dhe të Gjykatës së Lartë të zgjidhen me 3/5 për të shpëtuar kontrollin politik mbi gjyqësorin. Kemi propozuar që Rregullorja e Kuvendit të votohet me shumicë të cilësuar. Amendamentet dobësojnë pushtetin e pakufizuar të individit dhe i japin pushtet real e të vërtetë shumicës. Ftoj maxhorancën të reflektojë dhe të votojë”.

Ky ka qenë qëndrimi i Xhafës në prag të fillimit të sezonit të ri parlamentar.

Re.Pu.