Skandali në BBC: yjet e TV abuzonin seksualisht me fëmijët

BBC po tronditet nga skandalet që pasurohen me detaje nga dita në ditë. Filimisht ishin akuzat ndaj yllit të TV Jimmy Savile (i vdekur para 1 viti) se kishte abuzuar seksualisht me vajza të mitura, madje brenda në dhomat e zhveshjes së BBC.

Disa herë ishin përpjekur të ngriheshin akuza, që në vitet 70, por BBC i pati mbyllur ato. “Nëse Jimmy mori me vete sekret e tij të ndyra, kjo ndodhi sepse dikush në BBC që dinte në lidhje me sjelljen e tij, e injoruan atë fakt” akuzon Janet Street-Porter, një gazetare e njohur. “abuzimet seksuale ishin një mënyrë jetese në BBC” përmbyll ajo.

Ndërsa një dokumentar që nxirrte mjaft sekrete të tilla për Savile u ndalua të shfaqej para pak kohësh, tashmë asgjë s’mund ta mbajë skandalin. ‘Yje’ të tjerë televizivë del se kanë abuzuar me vajza të mitura 14 vjeçare ose dhe me djem të vegjël.

Një nga të përzierët në skandal është dhe muzikanti Gary Glitter. Një prej viktimave pohon se në një rast tjetër aktori komik Freddie Starr ishte i pranishëm. Një tjetër yll, emri i të cilit nuk bëhet i ditur është nën hetim që nga dje. Është e qartë, megjithatë, se një rreth njerëzish në BBC e di se çfarë ndodhte prapa asaj dere.

Skandali, përveçse një bombë për BBC nxjerr në dritë të vërtetë se ç’ndodh prapa kuintave të show-bizit dhe se çfarë ane të errët mund të fshehin njerëzit e ndriçuar më fort në ekran.

Ne.Su.