Shkëlzen Berisha, Tom Doshit: “ordiner” dhe “shihemi në gjykatë”

Në Shqipëri shteti i së drejtës funksionon... të paktën duke u nisur nga fëmijët e Berishës që rendin drejt gjykatës çdo javë! Dhe i fitojnë të gjitha çështjet! Këtë radhë djali i kryeministrit, Shkëlzen Berisha ka kërcënuar se do të padisë Tom Doshin për shpifje për deklaratën e bërë dje në Velipojë (ku tha se: “...Sali Berisha? Është hajduti më i madh që ka Shqipëria. Ky hajdut ka futur fëmijët e vet sekserë. Te Shkëlzeni është bërë si me kenë zyra e punës, zyra e tenderave”.)

Në deklaratën e tij sot, Shkëlzen Berisha u kujton se me këto shpifje kanë humbur në gjykatë sa herë:

 “Ai ripërsëriti në Shkodër shpifje që kanë marrë jo një, por disa herë përgjigjen e drejtësisë. Të njëjtin fat do të kenë edhe këto akuza të ambalazhuara nga Rama dhe të mbllaçitura nga goja e ordinerit Tom Boshi, që Shkodra dhe e gjithë Shqipëria e njohin si deputeti që ka diplomë universiteti, por i mungon ajo e shkollës tetë vjeçare.”

k.c.