Një psikologe e përndjekur

Psikologia Jorida Rustemi kërkon për herë të dytë ndihmën e Policisë së Tiranës – shkruan sot në kopertinën e saj e përditshmja Panorama, sipas të cilës “personi që e përndiqte prej më shumë se një viti, edhe pse u arrestua një herë, vazhdon sërish ta shqetësoje në telefon pasi është lënë i lirë nga gjykata, duke i shkaktuar shqetësime dhe gjendje ankthi”.

Gazeta ka edhe një prononcim të psokologes së re që shfaqet shpesh në ekrane: “Kjo që po më ndodh mua është një situatë e tmerrshme dhe shumë e sikletshme. Edhe në artikullin e parë që keni shkruar për këtë problem, duhej të kishit marrë miratimin tim, pasi çështja ishte ende duke u hetuar”.

“Sipas denoncimit, i akuzuari e kontakton të dëmtuarën nëpërmjet thirrjeve telefonike, mesazheve në celular, mesazheve në rrjetin  social “Facebook”, duke e fyer, kërcënuar, si dhe duke e ndjekur në ambientet e zyrës së saj. Veprimet e këtij personi, Rustemi i ka denoncuar si përndjekje, me qëllim shtrëngimin për bashkëjetesë dhe marrëdhënie intime me të. Për këtë arsye Kreshnik Mehmetaj u arrestua nga Policia e Tiranës, por u lirua nga Gjykata me masë sigurimi detyrim paraqitjeje” – shkruan gazeta. a.n.

http://www.panorama.com.al/2013/05/14/lirohet-26-vjecari-jor...