Një bunker, 'kocka" betoni nga Spaçi dhe një copë nga muri i Berlinit përballë dritares së "Komitetit Qendror"

Kush ka kaluar në bulevardin e Tiranës këto ditë me siguri ka parë rrethimin e ndërtimit në hyrje të Bllokut përballë zyrave të Kuvendit (dikur komitet partie) dhe përbri bustit të sapovendosur të Ismail Qemalit. Vladimir Karaj i së përditshmes Mapo ka dhënë detaje mbi atë që po ndërtohet brenda atij rrethimi. Quhet “Post Bllok”. Është një memorial kushtuar persekutimit dhe vuajtjes në diktaturë dhe ka tri objekte përbërëse.

I pari, një konstrukt shtyllash betoni (të marra nga burgu i Spaçit) që duken si kocka të shtrembëruara dhe të vendosura mbi njëra tjetrën.

I dyti, një bunker nga ata të diktaturës me gjithë pikat e mbështetjes për mitralozë, etj

I treti,  një copë tre metra e lartë nga Muri i Berlinit.

Karaj ka takuar brenda mini-kantierit Fatos Lubonjën dhe Ardian Isufin që janë ideatorët dhe zbatuesit e memorialit.

Shkruan autori ndër të tjera:

“Ideja është që t’i bëjmë njerëzit të mendojnë”, thotë Fatos Lubonja në pak minuta që arrijmë ta veçojmë mes diskutimeve të pandalshme me bashkautorin e projektit, artistin Ardian Isufi dhe nja tre-katër punëtorëve.. Bunkeri, i cili ishte nxjerrë në pah duke u liruar prej dheut, do të qëndrojë ashtu. “Brenda tij do jetë ushtari”, thotë Lubonja, ndërsa shpjegon se në të ishin edhe shkarravinat e atyre që dikur kishin bërë roje. Bunkeri (TR-V-76851) që mund të jetë një nga të fundmit e mbijetuar të llojit të tij, duket sikur e ruan memorialin. Menjëherë pas tij, në anë të Kuvendit do të ngrihet copa e murit të Berlinit, që bashkia e Tiranës ka marrë dhuratë nga kryeqyteti Gjerman dhe në krahun tjetër “kopja” e një galerie të Spaçit…” a.n.

I plotë:

http://www.mapo.al/2013/03/05/nje-memorial-me-dashuri-per-an...