Mbrojtja e dobët që po i bën Jahjaga “vendimit për t’mos dhënë dorëheqjen”

Koha Ditore jep këtë informacion lidhur me një pyetje që i është bërë Presidentes Jahjaga mbi dorëheqjen e mundshme të saj (gjë që i kërkohet nga më shumë se një drejtim mbi bazën e një marrëveshjeje të bërë para një viti) dhe lidhur me përgjigjen që ajo ka dhënë: “E pyetur nga gazetarët gjatë konferencës për shtyp, pas takimit me presidentin e Shqipërisë, Bujar Nishani, presidentja e Kosovës, Atifete Jahjaga ishte kategorike: ‘Nuk jap dorëheqje’. Ajo sqaroi se është e përkushtuar të respektojë Kushtetutën e vendit dhe ligjet në fuqi, të cilat as ia lejojnë, as parashohin dorëheqjen e presidentit. Madje, siç u shpreh ajo, as në marrëveshjen politike dhe në amendamentet kushtetuese dorëheqja nuk është paraparë.Sipas saj, nëse do të jepte dorëheqje, vendi do të futej në krizë institucionale.“

Është e disata herëë që ajo thotë se “këtë gjë nuk ia kërkon e nuk ia lejon kushtetuta; kjo nuk parashikohet nga ligji themeltar i shtetit”. Është mirë t’mos e përdorë më këtë mbrojtje, pasi nuk ka shumë kuptim. Dorëheqja asaj nuk po i kërkohet, ngaqë këtë e thotë kushtetuta; kjo e fundit nuk ka se si ta lejojë, ta pengojë, ta parashikojë apo ta përcaktojë dorëheqjen. Dorëheqja jepet, dhe kaq.

Në këtë kuptim, e vetmja që mund të vendosë për dorëheqjen është vetë ajo. Nëse ajo vendos të rrijë aty, nuk mund “ta dorëheqë” askush.

M.N.