Maliqi komenton Kurtin. “Po ndërron kurs, por jo natyrë”, thotë në thelb

Në një shkrim të tijin të publikuar në Express, Shkëlzen Maliqi flet për një fjalim të mbajtur nga Albin Kurti. Nuk e thotë se ku është mbajtur ky fjalim, por jep përmbajtjen e tij: “Ai flet për një zhvillim në rritje nga Republika e parë e vitit 1990, pastaj ndodhi Republika e dytë e vitit 2008, kurse Republika e tretë duhet të ndodhë sa më shpejtë nën kujdesin e Lëvizjes Vetëvendosje dhe vetë Vizionarit të saj, Albin Kurtit”.

Maliqi ndalet në këtë të tretën, dhe i bie në sy “rrudhja e vizionit të Kurtit në Republikën e Kosovës”. Autori nënvizon faktin që Kurti deir më sot ka kërkuar një Republikë  Shqiptare të Bashkuar, dhe tani po flet thjehst për një republikë të Kosovës. Dhe pyet: “Ç’ka ka ndikuar për këtë kthesë të madhe në vizionin qendror të Vetëvendosjes?” dhe përgjigjen e jep sërish në formë të pyetjes: “Mos është arsyeja dështimi katastrofal i forcave pro-bashkim kombëtar në zgjedhjet e 23 qershor në Shqipëri?”

Por ka edhe më: “Një tjetër arsye për rrudhje mbase mund të jetë pasojë e vizitës së paradokohshme të Kurtit me delegacionin e Vetëvendosjes në SHBA, ku ka mundur të mësojë se për superfuqinë numër një në botë projekti i bashkimit të kombit shqiptar nuk duhet të jetë prioritet në rrethanat aktuale gjeostrategjike”.

Më poshtë, shpjegohet pse “Kurti i mbetet besnik idesë së përmbysjes revolucionare me mjete që vështirë se mund të janë demokratike”. Shkrimin e plotë mund ta ndiqni në linkun http://gazetaexpress.com/?cid=1,75,117208

Re.Pu.