Lubonja dhe disa pyetje mbi projekt-idetë e Ramës

Në një shkrim të sotëm te Panorama, Lubonja i kthehet disa projekt-ideve të Ramës, si binjakëzimi i Instat, futja e FMN si institucion kontrolli, auditimi i huaj i financave, dogana e kontrolluar nga të huajt... ide që sipas tij theksojnë faktin që askush nuk ka besim te institucionet e shtetit.
Lubonja ngre që në fillim një sërë pyetjesh:
“...sa janë kushtetuese [këto projekte]e sa do hyjnë në konflikt me institucionet e kapura nga Berisha? Sa të huajt do të jenë efikasë,edhe po pranuan të punojnë në një terren shqiptar të minuar nga të katër anët nga ekonomia kriminale dhe nga polarizimi ekstrem? Sa këta do të jenë realisht të pavarur dhe sa në shërbim të maxhorancës së re, d.m.th., sa do t'i rezistojnë sistemit, i cili, sipas vetë fjalëve të Ramës korrupton çdokënd? Prurja e të huajve në këto vende dhe marrja prej tyre e përgjegjësisë së arbitrit, sa do t'i ndihmojë shqiptarët e sa do t'i vonojë në pjekurimin e tyre?”
I tërë shkrimi përshkohet nga pyetje të mëtejshme që tregojnë dhe vështirësinë e aplikimit të këtyre projekt-ideve. Mbi të gjitha, për të krijuar atë vullnetin politik gjithëpërfshirës për të pranuar e mbështetur institucionet e pavarura si “arbitra”. Në këtë rast, Lubonja merr shembullin sesi Theodhori Sollaku (thuhet se) do të drejtojë Byronë Hetimor pranë Kryeministrit, duke kujtuar se Sollaku ka qenë akuzuar pafundësisht nga Berisha se flinte mbi dosjet e krimit, duke e bërë thuajse të pamundur që palët të bien dakort për ta patur këtë institucion si arbitër.
Ndaj ai këmbëngul se projekti më madhor është ai i krijimit të institucioneve të besueshme, përndryshe “do të vazhdojë loja e deligjitimimit reciprok me pasoja vazhdimin e shtetit të brigandëve, dh ejo ndërtiin e shtetit të së drejtës”
k.c.

e plotë:

http://www.panorama.com.al/2013/08/07/mbi-disa-projekt-ide-t...