Lefter Koka e quan jo-bindës argumentin e “2 kunetërve” . Rama e kish vendosur me kohë të mos e kandidonte Dukën!

I pyetur për lënien jashtë zonës së sigurtë të listave të Agron Dukës (në foto), Rama deklaroi para pak ditësh në Tonight se “nuk është mirë të jenë 2 kunetër në koalicion”, frazë që nënkuptonte lidhjen familjare të Dukës me Lefter Kokën e LSI-së. Por, sot, Koka ka deklaruar për Gazetën Shqiptare se kjo është arsye aspak bindëse. “Mendoj që zoti Rama e ka pasur më herët dhe jo tani këtë vendim në kokë, për të mos e kandiduar zotin Duka”  thotë ai. “Nëse kryetari i PS-së qysh para 4 vjetëve e ka vlerësuar dhe i ka premtuar që do ta përfshija si kandidat dhe në fund jep këtë arsye, nuk më duket aspak bindëse dhe nuk më duket e plotë.” Dhe ngul këmbë se ëshët marrëdhënie personale: “Marrëdhënia e tij është personale me Ramën dhe kjo marrëdhënie pësoi një çarje të padëshiruar, por kjo është për t’u vlerësuar nga vetë Rama dhe nga vetë Duka.”

k.c.