Kronika e një terrori akustik; është kronikë e përditshme
Suela Gera që shkruan për shqiptaren.com kish bërë një kronikë të zhurmave pranë apartamentit të saj, në një ditë të caktuar, kur i kish bujtur një kushurirë emigrante, tok me të bijën gjashtëmuajshe. Është një kronikë (dhe terror) zhurmash, të cilën ajo e ka bërë e cytur prej faktit që bebja nuk mundi të flinte, derisa u gdhi e nesërmja, dhe kushurira mori valixhet dhe iku në punë të saj.
Ora 09.00: Vogëlushja kish rënë në gjumë prej një gjysmë ore, dhe zgjohet papritur me të qara nga zhurma e një betoniere.
Ora 10.00: Disa fëmijë të lagjes luajnë futboll, dhe bërtasin me sa kanë në kokë.
Ora14.00: Më në fund, pak qetësi. Ritentojmë ta vëmë në gjumë vajznë e vogël. Ia dalim, por e zgjon pas disa minutash një bisedë e bërë me zë të lartë pranë dritares së apartamentit. Ishte një bisedë që zgjati më shumë se 5 minuta. Pas pak dëgjohet zhurma e një trapanoje. Është një komshi që po monton solarin, e për këtë i duhet të hapë disa vrima.
Ora 17.00: Trapanoja vazhdon me melodinë e vet.
Ora 18.00: Dëgjohet zëri i një magnetofoni, gjë që tregon se diku ka dasëm. Muzika dëgjohet mu sikur ta kisha dasmën në oborrin tim. Shenjë e keqe. Kjo don të thotë që muzika nuk do të pushojë më.
Ora 22.00: Errësira ka rënë, por fëmijjët e komshinjve nuk janë futur ende në shtëpi. Ata vazhdojnë të luajnë e të bërtasin. Vogëlushja gjashtë muajshe është ende pa gjumë.
Etj, etj.
Kjo është kronika e një dite; por është dhe e përditshme. Madje, shqetësimi i shprehur në këtë shkrim mund t’i duket dikujt si një pesë me hiç. Pse ? Sepse ai vetë qëllon që sheh shumë më keq.
E.G.
Comments
Ka dhe me keq. Qe kur ka
<p>Ka dhe me keq. Qe kur ka filluar stina e veres dhe njerezit rrine ulur bareve jashte, muzika na cmendi. Cdo nate ne lagjen e mamit tim ka vetem muzike shume te larte. Pushon vetem kur ikin te gjithe nga baret, dmth nga ora 2-3 e nates. Guxo po deshe e thuaju ndonje fjale atyre kodosheve! Pale, pale, shtohen dhe kodoshet e kthyer nga mergimi, dhe hajde merru vesh me ta.</p><p> </p>
Nuk priten ndonje gje e madhe
<p>Nuk priten ndonje gje e madhe nga nje kryetar bashkie qe vetem qesh para kamerave dhe kunati i tij vjedh kudo dhe çdo gjë.</p><p>Aq me teper nga Fatmir Mehdiu, i dashuruar me veten e vet :))</p><p>Ata nuk jane te zotet (dhe as qe ju shkon neper mend ) qe te vendosin qetesi tek "blloku" , dhe le pastaj tjeter kund.</p><p>Kaq.</p>
Add new comment