Heqja e taksës për pagat nën 300 mijë lekë – përfitojnë pronarët apo punëtorët?

Në një analizë në gazetën Mapo, Blerina Hoxha analizon efektin që do të ketë heqja e taksës për pagat nën 300 mijë lekë të vjetra dhe arrin në konkluzionin se do të jeënë pronarët e bizneseve ata që do të përfitojnë dhe jo puntorët.
Përvoja ka treguar, shkruan ajo, se, sapo një projektligj të vihet në proces diskutimi, grupet e interesit që preken bëjnë gati skemën e mashtrimit. Taksa e sheshtë paguhet kështu: 10 mijë lekët e para nuk tatohen. Rrogat nga 10 mijë deri në 30 mijë lekë tatohen 10 për qind, duke përjashtuar 10 mijë lekët e para. Kështu tatimi mbi pagën 30 mijë lekë që paguhet aktualisht është 2 mijë lekë. Shpenzimet për pagat përbëjnë 80% të totalit të shpenzimeve në bizneset e fasonit. Disa prej tyre, por edhe të tjera nga sektori privat që preken nga heqja e taksës së sheshtë e kanë gjetur skemën e manipulimit. I deklarojnë pagat e punëtorëve 200-300 mijë lekë në bankë, por i detyrojnë të kthejnë cash në arkën e punës diferencat që shkojnë nga 1 deri në 3 mijë lekë. Kështu që paga reale për pjesë punonjësve të fasonit nuk shkon më shumë se 150-170 mijë lekë aktualisht.
Duke qenë se realisht kështu ndodh ndër bizneset shqiptare, konkludon gazetarja, heqja e taksës për pagat nën 300 mijë lekë të vjetra ka më shumë gjasa të shkojë në favor të pronarëve sesa të punëtorëve.
Re.Pu.