Dobësimi i LSI-së, Genc Pollo në mbështetje të Mediut. Hedh idenë e aleancës Rama-Basha

Sipas gazetës “Sot” teza e hedhur ditët e fundit në tregun politik, për një aleancë të mundshme mes Partisë Demokratike dhe Partisë Socialiste, për të goditur LSI dhe shpëtuar të djathtën nga shpërbërja, nuk është më një iluzion. Rritja e frikshme me 80 mijë vota e Lëvizjes Socialiste për Integrim, në zgjedhjet lokale të 21 Qershorit, duke se ka trembur Edi Ramën dhe Lulzim Bashën, mes të cilëve është riaktivizuar pakti i vjetër politik. “Sot” shkruan se disa ditë pasi Fatmir Mediu, artikuloi dhe mbështeti tezën e një aleance mes PS dhe PD, rrethi i mbështetësve të kësaj ideje po zgjerohet. Sipas “Sot” Pollo thotë se një lëvizje e tillë politike është e mundshme. “Edhe mundet. Në politikë nuk përjashtohen gjërat dhe nuk ka gjë të ndaluar”, tha deputeti i Partisë Demokratike, Genc Pollo, ndërsa u shpreh se tani kanë përparësi të tjera tema, siç ligji i arsimit të lartë. “Tani kanë rëndësi dhe përparësi të tjera gjëra, si ligji për arsimin e lartë që u miratua vetëm nga mazhoranca”, tha Pollo.