Do ta marrim statusin e vendit kandidat? Ende nuk duket të jetë vendosur

“Jo pushim, por integrim”, tha dje ambasadori Sequi, duke lënë të nënkuptohet ideja se në harkun e dy muajve mund të bëhet diçka me synimin për të kandisur Brukselin, që ta japë ok-in për statusin e vendit kandidat. Dhe çfarë mund të bëhet deri në fund të shtatorit? Jo ndonjë gjë e madhe, efektivisht. Mund të miratohet heqja e imunitetit, mund të miratohet ndonjë ligj tjetër me 3/5 e votave të parlamentit, e në përgjithësi mund të shprehet vullneti i mirë i politikës. Por mjafton kaq? Nuk dihet. Në Bruksel duket se nuk është marrë një vendim për këtë gjë. Në fund të shtatorit mblidhet Komisioni Europian, por pas vendimit të KE-së do duhet një miratim unanim i vendeve të tjera. Në këtë kuptim, Fule e Co. nuk do donin që të merrnin një vendim, i cili do të refuzohej nga Danimarka, Hollanda, etj. Komisioni nuk do donte ‘të mbetej në klasë’ me vendimin që do marrë. E prandaj, sado dashamirësi të ketë në Bruksel për Shqipërinë, vendimi do të merret mbi bazën e shanseve që ky vendim do ketë për t’u miratuar më pas nga secili vend i BE-së.

M.N.