Braçe: Banka e Shqipërisë bën shpenzime për ushqime e për sport!!!

Deputeti Erjon Braçe është shndërruar në një burim informacioni më vete. Tok me denoncimet që bën, ai jep dhe lajme përpara se t’i japë shtypi, apo të cilat shtypi i raporton duke iu referuar atij. Është shndërruar pra në një agjenci lajmesh.

Sot e përditshmja Shqip jepte një lajm mbi Bankën e Shqipërisë (kuptohet, me burim ‘agjencinë e lajmeve Braçe’), në të cilin thuhej se shpenzimet e personelit janë rritur me 40% në krahasim me vitin 2009, ndërsa shpenzimet administrative janë dyfishuar. Braçe, që nga ana e vet i referohet bilancit zyrtar të Bankës, flet edhe për dy zëra të çuditshëm në listën e shpenzimeve: 1. shpenzime për sportin!!! 2. Shpenzime në formë kompensimesh ushqimi!!!! Tjetër. Qeraja që Banka u paguan privatëve për godinat që ka marrë (vetë është në rikonstruksion) ka arritur në një milion dollar/vit, në një kohë që nuk është vënë ende në eficiencë blerja e hotel Dajtit me 40 milionë dollarë para disa vitesh.

Braçe përfundon: T’u shkurtosh shpenzimet kategorive në nevojë dhe të lejosh shpenzime si këto të BSH-së është një turp.

Re.Pu.