Ambasadori amerikan gazetarëve: Stay tuned, pasi nuk do të dilni huq!

Ambasadori amerikan, Alexander Arvizu tha sot diçka, që gazetarët, të gjithë gazetarët, e interpretuan në të njëjtën mënyrë: Në ditët e javët e ardhshme pritet një qëndrim i fortë zyrtar i SHBA-ve lidhur me KQZ-në. Është interpretim i drejtë? Mbetet disi i paqartë mesazhi. Saktësisht ai tha që “në ditët e javët e ardhshme do të themi diçka, që nuk do t’ju lërë të zhgënjyer”. Është ndonjë lajm i mirë lidhur me KQZ-në?, ish pyetja e radhës. “Stay tuned”, u përgjigj ai, që në shqipe rrethanore do të thotë: mbani veshët hapur këto ditë!

Dashje pa dashje ai ka krijuar një pritmëri të madhe. Ai na kish humbur nga sytë kohët e fundit, saktësisht qysh prej takimit në kryeministri me Berishën, në të cilin ky i fundit i bëri me dije se “Muhon do ta shkarkojë”, dhe në të cilin vetë Arvizu-ja i ka përcjellë mesazhin se “shkarkimi i Muhos ëhstë veprim i gabuar e i paligjshëm”. Më pas, edhe kur është shfaqur, “nuk ka qenë shumë në formë”.

Re.Pu.