“Antena” e Bazes dhe vjershat e Arben Dukës, më të lexuarat e shtypit shqiptar?
Nuk ka prova që ta konfirmojnë, por në mes gazetarëve pranohet se dy nga rubrikat më të lexuara të shtypit shqiptar janë “Antena brenda familjes” e Mero Bazes, dhe rubrika pa emër në gazetën 'Dita' e Arben Dukës, ku ky i fundit, për çdo ditë, hedh spica e bën ironi për personazhe të ndryshme të jetës publike. E para është në prozë, e dyta është në vargje. Të dyja rubrikat nuk janë zhanër gazetaresk, e suksesi i tyre i hamendësuar duket sikur “deligjitimon” gazetarinë klasike.
Për ilustrim, po marrim sprovat e tyre të fundit. Baze përqesh komisionin e hetimit parlamentar për tërheqjen e veshit që i është bërë Egin Cekës nga Edi Rama, dhe flet për një përpjekje imagjinare të dy deputetëve të maxhorancës, Ed Ha Lim dhe Ba Ka Dill, për të modifikuar kodin penal, e për të futur ndukjen e veshit si vepër kriminale. Ja propozimi për ‘krimin’ e tërheqjes ss veshit: “Veprim i paramenduar me ngarkesë politike, që ushtrohet kundrejt një objekti njerëzor, me fuqi dinamike në momentin e takimit me objektin dhe për pasojë shkakton skuqjen e tij. Ka efekt të fortë fyes dhe poshtërues, sidomos ndaj personave me paraardhës të shquar. Rekomandohet 3-5 vjet burg dhe moslejim për të marrë pjesë në jetën politike”.
Versionin e plotë mund ta ndiqni në linkun http://www.gazetatema.net/web/2013/04/27/ed-ha-lim-dhe-ba-ka-dill-hartojne-akuzen-per-terheqje-veshi/.
Ndërsa Arben Duka e kish të publikuar në Ditën e sotme vjershën e radhës. Ish me titull “Na e shpjego shprehjen: do ikni për lesh”, dhe kish dhe strofa të tilla, si: “Për leshin e kokës/Plot këngë janë kënduar/Ne i themi flokë/Për ta zbukuruar! Për mjekrën e bardhë/Edhe për mustaqet/Po s’ka këngë akoma/Leshi te mollaqet! Mos na ler në terr/Dhe në sherr mes nesh/Na e shpjego shprehjen/Do shkoni për lesh! Për ç’lesh bëhet fjalë/Sipas Jozefinës/Atë të penisit/Apo të vaginës?!”
Vjershën satirike mund ta ndiqni të plotë në linkun http://gazetadita.al/na-e-shpjego-shprehjen-do-shkoni-per-lesh/
Shpesh, në këto rubrika autorët rrëshqasin në banalitete e fyerje, por është lloji satirik i krijimit që i justifikon në çdo rrethanë.
Re.Pu.
Comments
Antena eshte shume me larte
<p>Antena eshte shume me larte se rubrika e Dukes, dhe permbledh brenda satiren, humorin, skicen, aktualitetin. Per mendimin tim, nuk eshte larg gazetarise. Eshte nje zhaner shume i rendesishem gazetaresk, qe media te tjera duan ta bejne dhe ta imitojne, por jane shume larg cilesisht. Urime Antenes! Une per vete, nuk pertoj ta nis diten me te!</p>
Kjo tregon nivelin e ulet
<p> </p><p>Kjo tregon nivelin e ulet te lexuesve</p>
Konstatim bosh ky. Cilët janë
<p>Konstatim bosh ky. Cilët janë lexuesit me nivel? Po, nëse nuk janë me nivel a kanë të drejta të njëjta me ata "me nivel", psh të drejtën e votës?! Mua më duket tendencë e jotja për t'u dukur më ndryshe, asgjë më shumë...</p>
Te drejten e votes e ka
<p> </p><p>Te drejten e votes e ka kushdo dhe ajo eshte e barabarte pavaresisht nivelit. Nese te ha meraku se po them se vota e atyre qe pelqejne kete lloj gazetarie nuk vlen, mos us shqeteso. Vlen njelloj sa e imja ose jotja, ndoshta dhe me teper :-) Kush jane lexuesit me nivel ??? Te gjithe ata qe nuk ofendohen kur etiketohen si pa nivel fansat e bejtexhive </p>
Çdo lloj lexuesi ka një nivel
<p>Çdo lloj lexuesi ka një nivel të caktuar. Pastaj, fakti që ju lexoni një lajm të tillë për një gjë "pa nivel" a nuk ju barazon "me ata"?!</p><p>Pse mundoheni kot të diferencoheni nga vetvetja?</p><p> </p>
Duam apo s'duam, na pelqen
<p>Duam apo s'duam, na pelqen apo jo te dy rubrikat e humorit jane pa dyshim majat e diamantit te gazetave perkatese.</p><p>Si lexues i rregullt tek "antena" midis rreshtave te ironise kam gjetur shpesh edhe informacion(serioz) shtese ne lidhje me personazhet qe perfliten. Eshte nje menyre brilante per te anashkaluar censuren apo autocensuren e cila ne rubrika te tjera do t'a bente te pamundur te botimin pavaresisht faktit qe Baze ka nje status "special" te gazetarit opozitar qe i lejon "goditjen" edhe poshte rripit(pikerisht ne ato zona ku gjendet "leshi" i Jozefines)...... </p>
Te lexosh "Antena" dhe
<p>Te lexosh "Antena" dhe sidomos vjershat e Dukes eshte njelloj siç shikojne grate shtepiake te paarsimuara telenovelat meksikane. Bejtet e Dukes besoj se i lexojne vetem bejtexhinjte e kohes se Dulles. Te besh pohime te tilla do te thote te lesh jashte publikut intelektualet e vertete, qe nuk besoj se lexon askush prej tyre bejtet e Dukes dhe as humorin politik te Bazes.</p>
Add new comment