Përmet, 28-vjeçari ekzekutohet sapo zbret nga taksia, policia në kërkim të pasagjerit vrasës
Një i ri 28-vjeçar është vrarë pasditen e së hënës në Përmet, pasi është qëlluar disa herë me armë zjarri nga një person ende i paidentifikuar nga policia. Sipas autoriteteve policore lokale, shtetasi Andi Naçi është qëlluar teksa zbriste nga një taksi në Grykën e Këlcyrës dhe ka humbur jetën në vendin e ngjarjes si pasojë e plagëve.
Motivet e vrasjes janë për momentin të paqarta, por nga hetimet e para është mësuar vetëm se viktima po kthehej nga puna pasi punonte si inspektor mjedisi. Sipas të dhënave të para Naçi, ka marrë një taksi bashkë me një person tjetër, i cili dyshohet të jetë autori i ngjarjes.
Autori i ngjarjes menjëherë pas krimit është larguar në drejtim të paditur. Në vendngjarje kanë mbërritur forca të shumta policie, të cilët po punojnë për identifikimin dhe kapjen e autorit të krimit.
Mësohet se Andi Naçi ishte i divorcuar, ndërsa ende mbeten të paqarta lidhjet mes tij dhe të dyshuarit si autor i vrasjes.
SHQIP
Add new comment