Lushnje, tre në pranga për gjobëvënie
Policia e qytetit të Lushnjes ka arrestuar në flagrancë tre persona nën akuzën e gjobëvënies ndaj një biznesmeni.
Lajmin e bëjnë të ditur burime policore lokale, sipas të cilave shtetasit e arrestuar janë Lorenc Binali dhe Kujtim e Elis Taullau, atë e bir.
Sipas burimeve, të arrestuarit tentuan t’i zhvasnin biznesmenit të përpunimit të mishit, Josif Çuko, 100 milionë lekë të vjetra.
Por Çuko kishte njoftuar policinë për kërcënimet dhe tre të dyshuarit u kapën në flagrancë pikërisht teksa merrnin paratë.
Burimet saktësojnë më tej se tashmë materialet e grumbulluara i kanë kaluar prokurorisë së rrethit, me qëllim proçedimin penal të të arrestuarve.
Top channel
Add new comment