KQZ rrëzon ankimimin për Fierin, Dritan Prifti: Hajdutët e votave mbetën pa emër
Komisioni Qendror i Zgjedhjeve u mblodh sot për të shqyrtuar kërkesat ankimore të subjekteve politike, mes të cilave ishte edhe kërkesa e Dritan Priftit për rinumërim të votave në Fier.
Përfaqësuesi ligjor i Dritan Priftit kërkoi rinumërim dhe rivlerësim të votave në 10 ZAZ të Fierit, zonë ku Prifti kandidoi si deputet i pavarur, por kjo kërkesë nuk u pranua nga KQZ-ja.
Sipas përfaqësuesit ligjor të Priftit, në këto zona duhet të realizohet procesi i rinumërimit për të çuar në vend vullnetin e zgjedhësve, i cili sipas tij është deformuar dhe manipuluar nga partitë e mëdha në favor të tyre.
Menjëherë pas këtij vendimi reagoi Dritan Prifti, i cili në një prononcim për mediat theksoi se hajdutët e votave e lanë atë jashtë parlamentit, dhe jo vullneti i popullit, që sipas tij e ka votuar masivisht.
“Hajdutët e votave mbetën pa emër dhe pa u ndëshkuar nga ligji. Unë mora 7 mijë vota pasi më vodhën edhe dhe 7 mijë vota të tjera. Më vjen keq që vendi ynë nuk realizon dot zgjedhje pa vjedhje”, tha Prifti.
SHQIP
Add new comment