KIC 8462852, ylli i cili po detyron edhe astronomët të flasin për qytetërime aliene

Postuar në 15 Tetor, 2015 16:31

KIC 8462852 është një yll 1500 vjet dritë larg nga toka. Ai është vëzhguar nga misioni Kepler dhe ka krijuar shumë debate mbi “sjelljen” e tij. Në diskutim kanë hyrë “alienët”, mundësia e një qytetërimi jashtëtokësor që ndikon në krijimin e ciklit të dritës që vjen në marrësin që është Kepler. “Të dhënat e Kepler për yllin janë të pazakonta dhe ngacmuese: ka rënie të dritës(pulsim) por nuk janë periodike. Ka qindra të tilla...Nëse një planet do të bllokonte dritën e një ylli do të shfaqej me pulsime simetrike të saj; drita zbehet pak, qëndron ashtu për pak dhe më pas rikthehet. Në yllin në fjalë nuk kemi këtë situatë: drita zbehet ngadalë dhe pastaj intensifikohet më shpejt”, shkruan Phil Plait në “slate.com”.

Çfarë e krijon këtë sjellje? Ideja më e fundit është se ylli “rrethohet: nga një brez kometash, të cilat vetë shoqërohen me re gazi dhe pluhuri që intereferojnë dhe përthyejnë dritën në mënyrë të çrregullt. Por Plait sugjeron se ideja e qytetërimit alien na kujton një vizion të fizikanit Freeman Dyson, i cili sugjeroi që për proidhimin e energjisë, njeriu dikur do të duhej të ndërtonte panele diellorë dhe t’i hidhte në orbitë. Parë nga një vëzhgues i largët, ky panel do të emetonte infrared dhe do të sugjeronte ekzistencën e një qytetërimi. Është ky rasti me yllin e çuditshëm? Plait thotë se duhen hulumtime të mëtejshme, ndërkohë që astronomi Jason Wright, i cili konsultoi studimin fillestar për këtë çështje me autore Tabetha Boyajian, ishte i pari që hodhi opsionin e një megastrukture aliene.

http://www.slate.com/blogs/bad_astronomy/2015/10/14/weird_star_strange_d...

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.