Slideri Kryesor

Pas raportimeve në media se Aeroporti i Vlorës mund të merret me koncension për 35 vite nga ndërmarrja e Aeroportit të Pulias në Itali, qeveria organizoi në Vlorë një ceremoni për të prezantuar projektin e këtij aeroporti të bërë publik edhe më parë, ndërtimi i të cilit sipas kryeministrit nuk përjashtohet të kryhet nga vetë shteti.

Prej dy ditësh në disa media kanë qarkulluar një njoftim i Autoritetit Rrugor Shqiptar për tenderin e rrugës Kardhi-Delvinë që u anullua nga Ministria e Infrastrukturës. Në thelb të njoftimit qëndronte akuza se kompania Gjoka Konstruksion, pjesë e një bashkimi kompanish që kanë qenë pjesë e garës, ka falsifikuar dokumentacionin e paraqitur për punë të pakryera në rrugën e Arbrit, dokumentacion që duhej si pjesë e përvojës dhe kapaciteteve në tenderin e tenderit të anulluar.

Mbyllja e një emisioni të gazetares Silvia Velikova në radion publike bullgare, ka provokuar një grevë pesë orëshe të heshtjes së transmetimeve. Velikova është e njohur për kritikat e saj ndaj sistemit gjyqësor në një vend si Bullgaria, cilësuar me situatë shumë të keqe për lirinë e shtypit, thuhet se është shkarkuar pas thirrjeve publike që ka bërë për protestë kundër emërimin e Ivan Geshev si drejtues i prokurorisë.

Gazeta “Dita” boton sot një analizë të Xhelal Gjeçovit mbi Luftën Nacionalçlirimtare dhe Konferencën e Pezës, mbajtur më 16 shtator 1942. Siç njihet nga historiografia, Konferenca në fjalë thuhet se hodhi bazat e bashkimit të shqiptarëve në luftën kundër okupatorit pa dallim feje, krahine dhe ideje. Në të morën pjesë përfaqësues të disa rrymave politike me organizator komunistët. Në një nga paragrafët e shkrimit gjendet edhe ky pohim me tonalitetin e një testamenti: 

Athina zyrtare vazhdon të gjykojë se Tirana nuk po i përmbush detyrimet e veta ndaj minoritetit grek në Shqipëri. Ky gjykim është artikuluar sërish nga ministri i jashtëm grek, Nikos Dendias, në një shkrim të publikuar në të përditshmen vendase, Ta Nea.

“Sa i përket Shqipërisë, është e qartë dobia reciproke nga një përmirësim i marrëdhënieve dypalëshe. Mirëpo, duhet të vë në dukje që Shqipëria vazhdon të mos përmbushë detyrimet e saj në lidhje me të drejtat minoritare dhe pronësore të minoritetit etnik grek”- thuhet në shkrimin e ministrit të jashtëm.

Koncesionet e rrugëve Milot-Balldren do të jenë objekt pune i hetimit penal. Kjo për shkak se për to Grupi Parlamentar Demokrat, pra opozita parlamentare, ka depozituar kallëzim penal kundër të gjithë zinxhirit vendimmarrës të bërë nga komisionet e deri në qeveri. 
Kallëzimin e ka firmosur deputeti Halit Valteri dhe në të sqarohen arsyet e padisë që detyron organin e akuzës që të verifikojë procedurat e ndjekura për këto dy koncesione. 

Bujar Sheshi nuk ka qenë bashkëpunëtor i Sigurimit të Shtetit. Në këtë përfundim ka dalë Prokuroria e cila ka sqaruar kështu rrethanat juridike të anëtarit të Këshillit të Lartë të Prokurorisë që prej 10 muajsh është vënë nën sulm të Autoritetit të Dosjeve. 

Kjo del qartë nga hetimi i kryer, pasi siç raportohet në fillim në Autoritetin e Dosjeve është mbajtur një relacion ku thuhet se Sheshi nuk ishte bashkëpunetor i ish sigurimit të shtetit.

Donald Trump ka arritur një fitore thuajse personale që i jep të drejtë politikave të tij për aplikimin e tarifave ndaj mallrave europiane. Organizata Botërore e Tregëtisë ka vendosur së fundmi në favor të SHBA-së lidhur me çështjen e Airbus, kompani e cila është financuar në mënyrë të paligjshme nga BE-ja duke provokuar një dëm që sipas amerikanëve vlerësohet në rreth 11 miliardë dollarë.

Kryeminisri Rama, zëvendësi i tij, ministrja e linjës, kryetari i Kuvendit dhe ministrja e linjës, Belinda Balluku ishin në dijeni se  kontratat e rrugës Milot-Balldren dhe Orikum-Dukat ishin në shkelje serioze ligjore dhe pasaktësi të mëdha financiare.

Dronë bombardues sulmuan gjatë natës dy prej rafinerive më të mëdha të naftës në lindje të Arabisë Saudite. Shtetet e Bashkuara akuzuan Iranin, por sulmi u mor përsipër nga militantët e organizatës “Huthi”  në Jemen.

“Pavarësisht thirrjeve për çtensionim, Irani kreu një sulm të paprecedentë ndaj furnizimit botëror me energji. Nuk ka asnjë fakt se sulmi është kryer nga Jemeni”-deklaroi sekretari amerikan i shtetit Mike Pompeo.