Slideri Kryesor

Gjermania dhe Franca kanë njoftuar dje se një mbyllje tjetër e kufijve do të shmanget. Kancelarja gjermane Angela Merkel dhe Presidenti i Francës, Emmanuel Macron janë takuar në Fort de Brégançon për të diskutuar disa çështje me interes dypalësh dhe europian, mes të cilave edhe menaxhimi i pandemisë.

Ne përfundimisht duam të shmangim mbylljen e kufijve sërish. Ne ramë dakord që të punojmë shumë më ngushtësisht së bashku

ka deklaruar Merkel pas takimit.

Ish-këshilltari i Donald Trump, Steve Bannon është arrestuar sot nën akuzën e mashtrimit me fondet për ndërtimin e murit me Meksikën. Bannon dhe tre persona të tjerë akuzohen se kanë abuzuar me fondet e fushatës “Ne ndërtojmë Murin” përmes së cilës u mblodhën 25 milionë dollarë. 

Kryeministri i Shqipërisë ka gjetur një mënyrë të pazakontë për të deklaruar se si kryesuese e OSBE-së, Tirana zyrtare po bën më të mirën për krizën në Bjellorusi. Zotëria ka preferuar një apelativ rruge për të përmbledhur përgjigjen tij që e jep vërdallë nëpër Facebook: 

Disa shqipe të politikës së madhe që fluturojnë lart, po vrerosen pse nuk kam shkuar në Minsk dhe ia paskam humbur një shans Shqipërisë!
Në Minsk OSBE nuk shkon për selfie në protestë, po për të komunikuar me qeverinë dhe opozitën, çka kërkon aprovimin e të dyja palëve.

Media të ndryshme raportojnë se rivali kryesor politik i presidentit rus, Alexei Navalny ndodhet në gjendje kome dhe po trajtohet në spital pasi dyshohet se është helmuar. Sipas dëshmive të para, Navalny nisi të ndjehej keq gjatë fluturimit nga qyteti Siberian Tomsk drejt Moskës. Për këtë arsye avioni me të cilin po udhëtonte bëri ulje në Omsk dhe Navalny u dërgua në spital.

Ne mendojmë se Alexei u helmua me diçka që u përzie në çajin e tij. E vetmja gjë që ai piu në mëngjes

citohet zëdhënësja Kira Yarmysh.

Rasti George Floyd është përsëritur mesa duket në Belgjikë, por kësaj radhe me një qytetar sllovak. Sipas mediave belge, Jozef Chovanec është ndaluar në aeroportin Charleroi dy vjet më parë për shkak se kishte shkaktuar shqetësime gjatë fluturimit.

Si ndikoi dalja e Shqipërisë nga orbita sovjetike dhe si shpjegohet ai izolim i gjatë i një neutraliteti që i konvenoi vetëm Enver Hoxhës? Kjo është një çështje që meriton studime të mëtejshme jo vetëm për të hedhur dritë mbi historinë tonë të afërt, por edhe për të çmitizuar figurën e Enver Hoxhës sipas rolit që historiografia politike shqiptare, por edhe letërsia i ka dhënë në duelin me të mëdhenjtë.

Shqipëria është një vend i vogël dhe me resurse të pakta për të përballuar fatkeqësi si pandemia nga coronavirusi “me forcat e veta”, dhe aq më tepër, me strategji të sajën. Kjo vlen dhe për shumë vende të tjera edhe të mëdha. Në këto raste janë udhërrëfyese Udhëzimet dhe protokollet e OBSH si dhe përvoja për këtë rast e vendeve shumë të zhvilluara si ekonomikisht ashtu dhe në aspektin e shëndetësisë. 
  

Kancelarja gjermane, Angela Merkel, mendon se zgjidhja e situatës në Bjellorusi nuk mund të bëhet pa përfshirjen e presidentit aktual, Alexander Lukashenko. Merkel ka folur para gazetarëve pas një konference virtuale me liderët e Bashkimit Europian, ku deklaruar se Lukashenko ka refuzuar të komunikojë me të në telefon.

Sot mediat kanë përcjellë pamje të një përplasjeje fizike mes disa banorëve të fshatit Bajkaj në Delvinë dhe përfaqësuesve të një firme që ka marrë lejen për gurore.

Nga përballja duket se banorët nuk duan që në fshatin e tyre të ngrihet gurore, ata madje thonë se të ashtuquajturat dëgjesa janë bërë ferrave.

Duhen besuar 100%. Sepse kjo është fytyra e kësaj qeverie, e kësaj politike madje. Mashtro, përça dhe vidh.

Drejtori i Urgjencës Kombëtare Skënder Brataj ka folur dje në një diskutim në studin e “Opinion” në News 24. Zoti Brataj ka shpjeguar shumë gjëra që lidhen me epideminë e koronavirusit, ka dhënë shifra, ka shpjeguar si duhet të dallojmë simptomat, si duhet të sillemi etj.

Ai ka sqaruar se CoVid-19 është një sëmundje të cilës i trajtohen simptomat dhe terapitë pra nuk janë unike, por ndjekin shqetëimet e pacientit.