Slideri Kryesor

Ambasadori amerikan në Kosovë, Jeffrey Hovenier, mbështet asociacionin e komunave me shumicë serbe dhe kërkon formimin e tij të menjëhershëm.

Në një intervistë për Bloomberg, Hovenier tha se vetëm në këtë mënyrë mund të adresohen shqetësimet e komunitetit serb në veri.

Agjencia Ndërkombëtare për Energjinë Bërthamore njofton mbajtjen në fillim të vitit 2024 të një samiti që do të merret me ndikimin e energjisë bërthamore në adresimin e sfidave globale për reduktimin e hidrokarbureve.

Përherë e më shumë vende po planifikojnë përdorimin e energjisë bërthamore në rrjetin e tyre apo të zgjerojnë programet ekzistuese. Kemi vërejtur një zhvendosje pozitive në vitet e fundit, një kuptim në rritje të faktit se energjia bërthamore është e domosdoshme për adresimin e sfidave më të vështira të sotme

Josep Borrell mund të quhet tashmë përgjegjës për vijimin e tensioneve mes Serbisë dhe Kosovës. Përfaqësuesi i Lartë për Politike të Jashtme në BE qëndron pas masave ndaj Kosovës, ndaj shtyrjes në kohë apo minimizimit të masave ndaj Serbisë dhe gati amnistimit të saj për Banjskën. Nëse Raporterja Viola Kramon flet për masa ndaj Serbisë, zëdhënësi i Borrell, Peter Stano flet për hetim dhe ka mohuar që masat ndaj Kosovës të hiqen. 

George Orwell, gjatë luftës spanjolle, nuk ia doli si ushtar. Nuk arriti të vriste “armikun” që ikte para tij pa pasur kohë të vishej.

“Isha aty për të vrarë një fashist, por një burrë që mban pantallonat se mos i bien nuk është fashist, ai me sa duket është një nga shokët tanë dhe ky mendim më hoqi çdo dëshirë për ta qëlluar”.

Zgjedhjet rajonale të së dielës në Bavari dhe Hesse, në Gjermani, treguan një rritje të ndjeshme të ekstremit të djathtë. AfD u rendit e dyta me 18.4% në Hesse dhe e treta me 14.6% në Bavari. Numri i votave që AfD mblodhi në këto zgjedhje tregon një rritje me mbi 4 pikë përqindjeje në krahasim me vitin 2018. AfD është konsideruar një parti ku grumbulloheshin kryesisht votuesit e lindjes postkomuniste, por kjo rritje provon se ekstremi i djathtë nuk po dështon në Gjermaninë perëndimore.

Në një postim në Tiitter, Mossadi izraelit, shërbimi i jashtëm i zbulimit që është përfolur përherë për operacione jokonvencionale ndaj armiqve të shtetit, nëse të tillë ka më, përcjell një ndjesi që duket se po dominon vendimmarrjen në Jeruzalem.

Na ka ardhur në majë të hundës me OKB-në që na godet përherë dhe vazhdimisht. Jo kësaj radhe. Boll!

shkruhet në postimin e një dite më parë në një llogari që pretendon se i përket shërbimit izraelit dhe që në fakt përshkruhet nga aktivitete të forcave në terren.

Organizata e Kombeve të Bashkuara, agjencia e saj humanitare, ka deklaruar se për shkak të konfliktit disa ditor në Gaza, janë zhvendosur deri më tani 187 500 njerëz. Sipas agjencisë në fjalë të zhvendosurit po strehohen në shkolla dhe godina të OKB-së.

Hipoteza e universit artificial, apo ndryshe e realitetit të simuluar në një lloj kompjuteri brenda të cilit ne jemi konstrukte, ka së fundmi edhe mbështetës që po kërkojnë shpjegimin shkencor final. Termi tingëllon paradoksal meqenëse sipas një shkencëtari, Melvin Vopson, hipoteza në fjalë justifikohet me ligjet e termodinamikës shpjeguar për ato që ai i quan sisteme informatike, ndërkohë që mbetet e paqartë sesi ne mund të hulumtojmë, në statusin e subjektit të simulimit, ligjësi të tilla. Apo nëse edhe parimet e fizikës janë vetë instrumente rregullimi të simulimit. 

Anëtarët e Asamblesë Parlamentare të Këshillit të Europës kanë kërkuar zbardhjen e sulmit të 24 shtatorit në Banjskë. Gjatë diskutimeve për Kosovën, ata kërkuan paralelisht çtensionimin e situatës dhe rikthimin e palëve në tryezën e dialogut. Disa prej anëtarëve, përfshirë nga shtetet që nuk e kanë njohur Kosovën, e dënuan aktin duke tërhequr paralele me sulmin e Rusisë në Ukrainë.

Një gjakderdhje e re është riaktivizuar mes Izraelit dhe Hamasit. Hamasi filloi raundin e fundit duke nisur një sulm të mirëkoordinuar raketor dhe tokësor ndaj Izraelit, përfshirë rrëmbimin e disa ushtarëve dhe civilëve izraelitë dhe kapjen e përkohshme të disa komuniteteve kufitare. Të thuash që Izraeli u kap në befasi është njëfarë eufemizmi, por kryeministri Benjamin Netanyahu ka deklaruar se Izraeli tani është "në luftë" dhe Forcat e Mbrojtjes së Izraelit (IDF) po hakmerren, ashtu siç kanë bërë në raste të mëparshme.