Slideri Kryesor

“Meqenëse deputetë të partisë suaj bëjnë akuza të përgjithshme, po ju sfidoj. Përdorni gjithë instrumentet që keni në dorë: Tatime, polici, meteorologji, peshkim a ku di unë dhe verifikoni të ardhurat e mia”, shkruan Fevziu në një letër drejtuar Edi Ramës, i revoltuar dukshëm nga një postim i Erion Braçes për pasuritë e Fevziut dhe pronat që ai ka në qendër të Tiranës.

Lëvizja Socialiste për Integrim ka një diskurs të vetin sa i takon reformës në drejtësi dhe ndryshe nga protagonizmi që ka treguar në mbështetje të fasonëve apo prodhuesve të birrës në çështjen e reformës në drejtësi ka lënë përshtypjen e një "mishi të huaj".

Një video e sekuestruar nga policia izraelite ka provokuar reagime të mëdha. Të rinj ortodoksë hebrejë, radikalë, kërcejnë me armë dhe thika në një dasëm, duke çarë me thikë foton e Ali Dawabsheh, një foshnje e vrarë gjatë sulmeve të verës së shkruar në Duma. Kryeministri Beniamin Netanyahu e ka kritikuar shfaqjen në fjalë, duke e cilësuar atë si kërcënim për sigurinë dhe shoqërinë izraelite. Edhe përfaqësuesi i Unionin Zionist, Tzipi Living, e denoncoi videon duke nënvizuar se: “Judaizmi i atyre që kërcejnë mbi gjakun e foshnjeve, nuk është judaizmi im”.

INSTAT-i njofton se në tremujorin e tretë 2015, indeksi i volumit të shitjeve në Tregëtinë me Pakicë është rritur 7,8 % krahasuar me të njëjtën periudhë të vitit paraardhës. Ndërkaq, në grupin e Tregëtisë me Pakicë, pa përfshirë këtu Tregëtinë me Pakicë të Hidrokarbureve, ky indeks ka pësuar një rritje prej 15,1 % kundrejt të njëjtit tremujor të vitit të mëparshëm.

Për t’i përshtatur një perifrazim lirik të tipit, “po na vjev po na vjen, bota zien bota zien” ndryshimeve të pritshme në sistemin e drejtësisë, bashkë me popullin spektatore duket se është edhe politika që i është dorëzuar devizës: Të presim e të shohim.

Gjuha e fortë dhe e drejtëpërdrejtë e ambasadorit amerikan për njerëz të pushtetshëm që do të shkojnë në burg dhe të tjerë që do t’u prishet gjumi para pushimeve, ka zgjuar kërshërinë jo vetëm të publikut, por edhe të parisë së vendit që jeton me ankthin se kë do kapi lapsi i ambasadës amerikane.

Nga vizita e kryeministrit Edi Rama në Izrael vjen edhe njoftimi për takimin e tij me ish-presidentin e këtij vendi, të mirënjohurin Shimon Peres. Dhe Peres siç raportohet paska thënë:  “E di që Shqipëria sot është një vend tërësisht i ndryshëm, shumë i ndryshëm falë jush, në fillim si Kryebashkiaku më i dashur që Shqipëria ka pasur ndonjëherë dhe tani si Kryeministri më i dashur që ka Shqipëria. Shqipëria është një vend i vogël ashtu sikurse ne.

Kryetari i Komisionit Ad Hoc për Reformën në Drejtësi,  Fatmir Xhafaj, mbajti një fjalim përlavdërues për draftin e përgatitur nga ekspertët në Shqipëri, duke vlerësuar lart edhe rolin e ambasadorit amerikan Donald Lu. Fjalimi i Xhafës ka rëndësi vetëm sepse përcjell mendimin e PS-së për këtë proces të rëndësishëm që ka hyrë në një fazë delikate. Ai po ashtu kërkon të sanksionojë si të saktë dhe të plotë draftin, i cili në sitën e Komisionit të Venecias, u “qeth” mirë nga të katër anët.

"Opinion.al" zbardh një komunikim mes Pal Trashaj, Kryetar i Forumit për Mbrojtjen e Trashëgimisë Kulturore dhe Drejtorit të një banke të Nivelit të dytë. Trashaj është gjobitur nga Gjykata e Tiranës me 60 mijë lekë, pasi u padit nga banka për mosshlyerjen e një kredie prej 1 milionë lekësh. Dhe njeriu që mban detyrën e drejtimit të një Forumi për Trashëgiminë Kulturore kërcënon me këtë gjuhë: “Pergjigju o pleh, kam fshij bythen me deputet e ministra kur kane ra ne qafe, si ju baj ka nje c,do mies, brek pa lam”. 

Gjykata Kushtetuese ka publikuar sot vendimin e vet për kërkesën e Shoqatë për Mbrojtjen e Tregtarëve dhe të Tregut për shfuqizimin e disa neneve të ligjit nr. 99/2015 ““Për disa ndryshime në ligjin nr.9920, datë 19.05.2008 “Për procedurat tatimore në Republikën e Shqipërisë, të ndryshuar”, si të papajtueshëm me Kushtetutën e Republikës së Shqipërisë”.

Vito Kapos, Medalja e Mirënjohjes i ishte dërguar me postë. Asokohe ajo falenderoi hapur ekzekutivin e në veçanti ministren e Mbrojtjes, Mimi Kodheli për vlerësimin. “Më në fund dikush u kujtua edhe për ne. Padyshim ndihem shumë e gëzuar dhe gjej rastin nëpërmjet kësaj mundësie që më jepni ju që të falenderoj qeverinë dhe në veçanti ministren e Mbrojtjes”, – shprehej Vito Kapo, ish-ministre e Industrisë së Lehtë në kohën e Enver Hoxhës dhe të Ramiz Alisë.