Slideri Kryesor

Ministri i Brendshëm, Sajmir Tahiri, ka raportuar sot para Komisionit Parlamentar të Sigurisë, ku është diskutuar për situatën me refugjatët sirianë që parashikohet të hyjnë në vendin tonë. Edhe njëherë tjetër, ministri ka preferuar të japë garanci absolute, teksa ka deklaruar se “jemi të përgatitur përr çdo lloj emergjence”. “Jemi në bisedime me partnerët për plane të përbashkëta të përballimit të emergjencës. Shqetësim ka qenë evitimi i rrjeteve të trafikimit të qenieve njerëzore.

Komisioni i posaçëm për reformën në Drejtësi ka hartuar një draft të pëlqyer si nga maxhoranca dhe nga opozita për të vendosur Byronë Kombëtare të Hetimit në varësi të Prokurorisë. Në mbledhjen me dyer të mbyllura, është arritur marrëveshja, për Njësinë Antikorrupsion që do të luajë rolin e FBI-së. Në këtë mënyrë Partia Socialiste tërhiqet nga drafti i ardhur nga Qeveria, sipas të cilit Byroja Kombëtare e Hetimit do të ishte në varësi të Ministrisë së Brendshme.

Tri vite pasi qeveria “Berisha” hodhi idenë e dhënies me qira të monumenteve të kulturës, duke hasur një kundërshtim të fortë të shoqërisë civile dhe specialistëve të fushës, Ministria e Kulturës e qeverisë “Rama” i është rikthyer kwsaj ideje.

TAP do të bëjë të mundur trasnportimin e 10 miliardë metër kub gaz nga Azerbajxhani për t’u shpërndarë më pas në Europë e më tej në Gjeorgji dhe Turqi. Sipas zëvendëspresidentit tw Komisionit Europian për Energjinë Maros Sefcovic, ndërtimi i TAP do të nisë në tremujorin e tretë të këitj viti, ndërsa sasia e parë e gazit nga Kaspiku për në BE do të mund të mbërrijë në 2020-ën. TAP do të investojë 5.6 miliardë euro gjatë pesë viteve të ardhshme, nga të cilat rreth 2.3 miliardë euro do t’i shkojnë direkt Greqisë.

Identifikohen 3 atentatorët e sulmeve në Bruksel. Personi me kapele që është në arrati, i kërkuar si i lidhur me kamikazët e sulmeve të djeshme në Bruksel, është një nga pjesëtarët e celulës së terroristëve që sulmuan Parisin disa muaj më parë. Sipas hetuesve belg, ai është një nga artizanët që përgatitën bombat për sulmet në Paris. Dje ai nuk dihet për çfarë arsye e braktisi misionin vetëvrasës dhe tani është në arrati.
Dy kamikazët e tjerë që sulmuan aeroportin janë vëllezër. Ata janë identifkuar si Khalid dhe Brahim el-Bekraoui, jo të panjohur për autoritetet.

Komisioni për Politikat e Jashtme në Parlamentin Evropian miratoi rezolutën për Shqipërinë. Në këtë dokument thuhet se, reformat kyçe politike dhe administrative janë në proces, por nuk kanë arritur ende në pikën për hapjen e negociata për anëtarësimin në Bashkimin Evropian.
Raporti i hartuar nga Knut Fleckenstein thekson se, për hapjen e negociatave duhet së pari intensifikimi i përpjekjeve për këto reformat si zbatimi i ligjit, reforma në drejtësi, lufta kundër korrupsionit dhe krimit të organizuar, reformimi i administratës publike dhe të drejtat themelore.

Shqipëria është në listën e vendeve me rrezikshmëri të ulët nga sulmet terroriste, por gjithsesi nuk duhet injoruar ekspozimi ndaj ekstremiszmit. Ministria e Jashtme Britanike ka publikuar një hartë të vendeve sipas nivelit të rrezikshmërisë për sulme të mundshme terroriste. Belgjika është një prej 40 vendeve që kanë nivelin 4 të rrezikut atë maksimal, kur renditen edhe vende si Gjermania, Franca, Rusia, Spanja apo Turqia. Një nivel më poshtë, në nivelin 3 të rrezikut janë vende fqinje me Shqipërinë, si Maqedonia, Greqia, Kosova, Italia, Bosnja apo Austria.

Berlusconi është i majtë dhe i preferuar nga disa anëtarë të FRESSH-it, që pranojnë të flasin për kamerën e emisionit “Stop”. Por edhe sikur kjo të jetë një padije e gjeneratës së re, nuk mund të mos të respektosh veten dhe të habitesh(akoma) kur të rinjë që ende nuk kanë mbushur 22-23 vjeç kanë idhuj brend radhëve të partisë. Kryevepra është përgjigja ndaj pyetjes: “Pandeli Majko dhe Ilir Meta dolën nga FRESSH dhe u bënë kryeministra. Po ju?” Përgjigja: “Ku i dihet!”. E vërtetë, ku i dihet në këtë vend!

Në një sondazh të zhvilluar nga CBS/New York Times, rezulton se 57% e elektoratit amerikan ka opinion negativ për kandidatin presidencial republikan, Donald Trump, dhe vetëm 24% e elektoratit ka opinion pozitiv. Me fjalë të tjera, niveli i negativitetit është minus 33%. Jo larg këtij niveli negativiteti është edhe kandidatja demokrate, Hillary Clinton – minus 21%. Rreth 52% e elektoratit amerikan ka opinion negativ për të, dhe vetëm 31% e elktoratit ka opinion pozitiv.