Slideri Kryesor

Avokati i Popullit, Igli Totozani në një rekomandim drejtuar Kryetarit të KQZ-së Denar Biba i kërkon shpalljen e pavlefshmërisë absolute të vendimit të KQZ-së që detyron mediat të transmetojnë “materialet e vëna në dispozicion nga subjektet zgjedhore gjatë fushatës”. Sipas Avokatit të Popullit,  dispozitivi i vendimit në fjalë, përbën në mënyrë të qartë ndërhyrje të KQZ-së në lirinë e shprehjes që medias i garantohet me Kushtetutë, duke e kufizuar atë rast pas rasti me anë të vendimmarrjes me karakter administrativ.

Europol bën me dije se Shteti Islamik ka realizuar një platformë të vetën të medias sociale, duke shmangur kështu çdo mundësi kontrolli nga autoritetet e zbatimit të ligjit. Në një njoftim për shtyp të datës 2 maj, Europol njofton se operacioni që çoi në zbulimin e platformës zgjati 48 orë dhe mori në shqyrtim 2000 materiale të publikuara që konsiderohen se bëjnë pjesë në propagandë terroriste. Në operacion morën pjesë Belgjika, Greqia, Portugalia, Polonia dhe SHBA me synim identifikimin e materialeve të paligjshme, që bëjnë thirrje për dhunë dhe llogaritë prej nga ku origjinojnë ato.

Prishja e marrëdhënieve shqiptare me Bashkimin Sovjetik do ekranizohet në një film që do të asistohet nga regjisori i njohur rus Alexander Sokurov. Në projektin shqiptar, Sokurov nuk do të jetë në rolin e regjisorit, por ka pranuar të jetë pjesë e stafit realizues të filmit duke thënë se ky bashkëpunim vjen edhe si një kërkesë e kohës.

Radovan Karaxhiç, lideri i dikurshëm politik i serbëve të Bosnjes, dënuar aktualisht nga Gjykata e Hagës, ka deklaruar në një intervistë për gazetën “Vecernje Novosti”, se ai kishte patur një marrëveshje sekrete me diplomatin amerikan Richard Holbrook. Sipas tij, Holbrook kishte kërkuar firmosjen e Marrëveshjes së Dejtonit, tërheqjen e Karaxhiç nga politika dhe në këtë kuadër atë do ta linin të lirë.

Partia Demokratike për herë të parë në historinë e saj është përpara një basti të vështirë që  afekton jo vetëm të ardhmen e saj por edhe funksionalitetin demokratik të vendit. Përpjekja e fundit e Nishanit që duket e nxitur nga vetë PD nuk prodhoi rezultat për shkak të epërsisë që fitoi Rama pas dështimit të ofertës MeKalister dhe pozicionit refuzues të Bashës. 

“Pse ishte e nevojshme që 11 ditë përpara zgjedhjeve presidenciale Ju të njoftonit hapjen e një hetimi rreth një kompjuteri të ri, pa patur dijeni se çfarë kishte në të? Pse nuk bëtë thjesht hetimin siç do të bënit normalisht?”

Edhe pse një ditë më parë Gjykata Administrative vendosi që të shfuqizojë vendimin e Ministrisë së Energjisë për të ndërtuar mbi lumin Vjosë hidrocentralin e Poçemit, Ministria e Energjisë do të ankimojë çështjen në shkallën e dytë për të kërkuar ndërtimin e tij. Zyrtarisht ky institucion, në rolin e autoritetit konktraktor, thotë për televizionin Klan se nuk është i kënaqur me vendimin dhe se në thelb gjykata nuk ka shfuqizuar asnjë procedurë të saj, por vetëm atë dhënien e lejes mjedisore, që është kompetencë e Ministrisë së Mjedisit.

3 orë takim kokë më kokë në zyrën e Presidencën nuk prodhuan asnjë marrëveshje mes kryeministrit Rama dhe kryetarit të Partisë Demokratike, por mbajnë të gjalla shpresat për një dakordësi të minutës së fundit. Nga të dyja kampet nuk ka rrjedhur asnjë informacion, ndërsa zyrtarisht institucioni i Presidentit ka përcjellë një deklaratë ku konfirmohet  se s’ka produkt dhe se tryeza e dialogut mbetet e hapur.

Komisioni Evropian pranoi kërkesën nga disa shtete anëtare për të zgjatur me 6 muaj kontrollet ekzistuese në kufihtë e  vendeve të zonës Shengen. Kjo për shkak të numrit të konsiderueshëm të refugjatëve që ndodhen ende në Greqi.Në komunikatë thuhet se mbajtja e kontrolleve edhe për gjashtë muajt e ardhshëm duhet të jetë një mjet i fundit për shtetet anëtare të zonës Shengen, pasi  "mbyllja" e kufijve duhet të zëvendësohet me masa të tjera për të garantuar të njëjtin nivel të sigurisë.

A shqetësohet vërtet BE-ja për Ballkanin Perëndimor? Pyetja që ka nsiur të dalë në pah si temë diskutimi në kushtet kur unioni ka braktisur shumë nga politikat e veta është shtruar për diskutim me disa ekspertë nga “Carnegie Europe”, një ndër qendrat kryesore të studimit dhe kërkimit për çështje të politikës dhe sigurisë. Pyetja ka fituar rëndësi pasi ajo reflekton dilemën e rajonit tonë që nga një anë synon integrimin, por nga ana tjetër lexon se nuk është shumë i dëshiruar. Ekspertët që janë pyetur janë nga disa vende.